घरगुती भारत गॅस कंपनीचे 63 सिलेंडर, 3 वजन काटे व 3 मशीन असा एकूण 2,11,700/- रूपये किंमतीचा मुद्देमाल हस्तगत..
पोलीस वार्ता, नाशिक : शहर परिसरातील बेकायदेशिर अवैध धंद्यांवर तसेच जुगार अड्डड्यांवर कारवाई आणि चोरीच्या घटना, वाढती गुन्हेगारी यावर कारवाई करण्याबाबत सुचना नाशिक शहर आयुक्त मा.संदीप कर्णिक साहेब यांनी दिले आहेत.
त्यानुसार शहर गुन्हेशाखा युनिट-2 चे पोलीस पथक दि.3 मे 2025 रोजी हद्दीत गस्त घालत असताना, पथकाचे सपोउपनि. विलास गांगुर्डे यांना गुप्त बातमी मिळाली की, नाशिकरोड भागातील पाटील गॅरेजच्या मागीलबाजू भारती मठाजवळ एका पत्राचे शेडमध्ये विनापरवाना, बेकायदेशिररित्या घरगुती गॅस सिलेंडर मधुन मशिनद्वारे ज्वलनशिल स्फोटक गॅस पदार्थ खाजगी वाहनांमध्ये पैसे घेवून भरून दिला जात आहे. मिळालेली सदर माहिती गुन्हेशाखा युनिट-2 चे सहा.पोनि. हेमंत तोडकर यांना देण्यात आली.
खात्री करून पुढील कारवाईसाठी श्रेणी पोउपनि. यशवंत बेंडकोळी, सपोउपनि. विलास गांगुर्डे, पोह. संजय सानप, प्रकाश बोडके, चंद्रकांत गवळी, पोअं. सुनिल खैरनार यांचे पोलीस पथक तयार करून सदर ठिकाणी छापा टाकला असता कारवाईत मिळून आलेले आरोपी,
1)शिवा दिनेश लोणारे (वय-20) रा. राजवाडा, मालधक्का रोड, नाशिकरोड,
2)शाकीर मोहम्मद शहा (वय-25) रा. सुंदरनगर झोपडपट्टी, गल्ली नं-2, देवळालीगाव, नाशिकरोड,
3)नवाझ अहमद शहा (वय-21) रा. सुंदरनगर झोपडपट्टी, गल्ली नं-2, देवळालीगाव, नाशिकरोड.
हे आरोपी भारत गॅस कंपनीचे घरगुती वापराचे गॅस सिलेंडर मधील गॅस विनापरवाना, बेकायदेशिररित्या गॅस सिलेंडर मधुन मशिनद्वारे ज्वलनशिल(स्फोटक) गॅस पदार्थ खाजगी वाहनांमध्ये पैसे घेवून भरून देत होते. स्वतःच्या फायद्यासाठी बेकायदेशिररित्या ते हा व्यवसाय करत आल्याले आढळून आले. त्यांच्याकडून मोठे व छोटे असे 63 गॅस सिलेंडर टाक्या, 3 मोटार(मशीन) व 3 वजन काटे आणि रोख रक्कम असे सर्व मिळून एकुण 2,11,700/- रूपये किंमतीचा मुद्देमाल जप्त करण्यात आला आहे. पोह. प्रकाश बोडके यांनी सरकारच्या वतीने तिन्ही आरोपींविरूध्द नाशिकरोड पोलीस ठाण्यात तक्रार दिली असून भा.न्या.सं.क- 287 व 1955 च्या जिवनावश्यक वस्तु कायदा कलम 3 व 7 प्रमाणे गुन्हा दाखल करण्यात आला असून कारवाई करण्यात आली आहे.
