शालेय कुस्ती स्पर्धेत संस्कृती देशमुख जिल्ह्यात प्रथम विभागीस्तरी साठी निवड

भोकरदन (पिंपळगाव रेणुकाई प्रतिनिधी) तालुक्यातील पिंपळगाव रेणुकाई येथील रेणुकादेवी माध्यमिक आणि उच्च माध्यमिक विद्यालयाची इयत्ता बारावीमध्ये शिकणारी संस्कृती संदीप देशमुख या विद्यार्थिनींने शालेय क्रीडा स्पर्धा अंतर्गत घेण्यात आलेल्या 19 वयोगटातील कुस्ती स्पर्धेमध्ये जिल्हास्तरावर प्रथम क्रमांक पटकावला आहे. पिंपळगाव रेणुकाई सारख्या ग्रामीण भागामधून जिल्ह्यात कुस्ती स्पर्धेमध्ये यश मिळवण्याचे काम संस्कृतीने केले आहे. ग्रामीण भागातून कुस्ती सारख्या स्पर्धेमध्ये जालना जिल्ह्यात आपला ठसा उमटवून गावाचे नाव उज्वल करण्याचे कार्य केले आहे. संस्कृतीने मागील वर्षी देखील शालेय क्रीडा स्पर्धेमध्ये जिल्हा पातळीवर शालेय क्रीडा स्पर्धेमध्ये आपली कामगिरी दाखवली होती. त्यानंतर आता कुस्ती स्पर्धेमध्ये देखील संस्कृतीने जिल्हास्तरावर प्रथम क्रमांक पटकावला आहे. आणि विभागीय स्तरावरील कुस्ती स्पर्धेसाठी आता संस्कृतीची निवड करण्यात आली आहे. त्यामुळे परिसरामधून संस्कृतीचे कौतुक होत आहे. या यशाबद्दल रेणुकादेवी विद्यालयाचे अध्यक्ष वसंतराव देशमुख संस्थेचे सचिव भास्करराव देशमुख मुख्याध्यापक अरुण देशमुख संचालक अमोल देशमुख श्रीमती ए सी देशमुख कृष्णा जंजाळ अजय मतकर जी डी खाडे प्रदीप बोर्डे गोविंद शिंदे किरण साळवे झाल्टे यांनी संस्कृतीचे अभिनंदन केले आहे,
फोटोमध्ये श्रीमती ए सी देशमुख जी डी खाडे संदीप देशमुख आदी