वैष्णोदेवी मंदिराची नैसर्गिक गुफा मंगळवारी मकर संक्रांतीच्या निमित्ताने भाविकांसाठी खुली करण्यात आली..
पोलीस वार्ता, नवी दिल्ली : जम्मू-काश्मीरमधील रियासी जिल्ह्यातील त्रिकुटा टेकडीवर असलेली माता वैष्णोदेवी मंदिराची नैसर्गिक गुफा मंगळवारी मकर संक्रांतीच्या निमित्ताने भाविकांसाठी खुली करण्यात आली. विशेष प्रार्थनेनंतर जुन्या गुफेचे दरवाजे भाविकांसाठी उघडण्यात आल्याचे अधिकाऱ्यांनी सांगितले. त्यांनी सांगितले की, ‘श्री माता वैष्णोदेवी श्राइन बोर्ड’ चे मुख्य कार्यकारी अधिकारी अंशुल गर्ग देखील या पूजेत सहभागी झाले होते.
मंदिराच्या गर्भगृफात असलेली नैसर्गिक गुफा सहसा हिवाळ्यात जेव्हा भाविकांची गर्दी कमी असते तेव्हा उघडली जाते. नैसर्गिक गुफेतून मंदिरात दर्शन घेण्यासाठी अनेक भाविक त्या दिवसाची आतुरतेने वाट पाहत असतात. सुरक्षेच्या कारणास्तव ही गुफा वर्षातील बहुतांश काळ बंद असते.
गर्ग म्हणाले, “भक्तांच्या गर्दीच्या आधारे आजपासून नैसर्गिक गुफा त्यांच्यासाठी खुली करण्यात आली आहे. आम्ही यात्रेकरूंची संख्या 10,000 पेक्षा कमी असेल तेव्हाच त्यांना जुन्या गुफेत जाण्याची परवानगी देऊ जेणेकरून त्यांना कोणत्याही गैरसोयीला सामोरे जावे लागू नये.
