भुसावळ नगरपरिषदेत पाणी पुरवठा विभागातील तीन कर्मचाऱ्यांना लाच घेतांना लाच-लुचपत विभागाने रंगेहात केली अटक!

नगरपरिषदेतील पाणी पुरवठा विभागात प्लंबर जवळून नळ कनेक्शन परवाना नूतनीकरण करण्यासाठी वरिष्ठांच्या नावाने 750/- रुपयांची मागणी..

पोलीस वार्ता, भुसावळ : शहरातील भुसावळ नगरपरिषदेत पाणी पुरवठा विभागात काम करणाऱ्या तीन कर्मचाऱ्यांना लाच घेतांना लाच-लुचपत विभागाने रंगेहात अटक केली आहे.

मिळालेल्या माहितीनुसार, नगरपरिषदेतील पाणी पुरवठा विभागात प्लंबर जवळून नळ कनेक्शन परवाना नूतनीकरण करण्यासाठी वरिष्ठांच्या नावाने 750/- रुपयांची मागणी करत असतांना तीन कर्मचाऱ्यांना लाच-लुचपत विभागाने रंगेहात अटक केली. त्यांची नावे 1) श्याम साबळे 2)सतीश सुरवाडे आणि 3)शांताराम देशमुख अशी आहेत. पाणी पुरवठा विभागातील अभियंता श्री.सतीश सुरेशराव देशमुख, कंत्राट कामगार श्याम साबळे आणि स्वच्छता पाणी पुरवठा पर्यवेक्षक शांताराम उखर्डु सुरवाडे यांनी प्लंबरकडून पाणी नळ परवाना नूतनीकरण साठी 250/- रुपये ऐवजी या वरिष्ठांच्या नावाखाली 750/- रुपयांची मागणी केली.

या संदर्भात प्लंबर यांनी दिलेल्या तक्रारी वरून नगरपरिषदेच्या तीन कर्मचाऱ्यांवर लाच लुचपत विभागाकडून कारवाई करून त्यांना ताब्यात घेतले आहे. तिघांना ए.सी.बी.विभागाने भुसावळ नगरपरिषद मुख्याधिकारी यांच्या बंगल्यावर नेल्याची माहिती मिळाली आहे. तसेच पुढील कारवाई काय होते यावर भुसावळकर लक्ष देऊन आहेत.

✍️पोलीस वार्ता, संपादक: निलेश फिरके, भुसावळ, संपर्क: 09960333469