नाले सफाईच्या कामावरून कल्याण-डोंबिवली आयुक्त अभिनव गोयल यांनी केली स्वच्छता अधिकाऱ्यावर निलंबनाची कारवाई

आयुक्तांनी प्रत्यक्ष भेट देवून नाले साफ-सफाई पाहणी केली त्यावेळी काही ठिकाणी नाले सफाईचे काम असमाधानकारक असल्याचे आढळून आल्याने..

पोलीस वार्ता, ठाणे : कल्याण-डोंबिवली महानगरपालिकेचे आयुक्त अभिनव गोयल यांनी पावसाच्या उपयोजना आणि झालेले कामे यांची पाहणी करत असताना त्यांनी कल्याण पूर्वे ‘जे आणि ड’ या प्रभाग क्षेत्रात जावून तेथील नाले साफसफाई व परिसर स्वच्छतेची पाहणी केली.

लोकग्राम व मंगलराघोनगर ह्या जे प्रभागातील परिसरात आयुक्तांनी मध्यम नाल्यांची साफसफाई, स्वच्छतेची पाहणी केली असता या नाल्यांची 65-70 टक्केच साफ-सफाई झाल्याची माहिती प्रभागाचे सहा.आयुक्त सचिन तामखेडे यांनी दिली. पुढील 8 दिवसात प्रभागातील राहिलेल्या इतर सर्व नाल्यांची साफ-सफाई पूर्ण करण्याच्या तसेच नाल्यातून काढलेला गाळ त्वरीत उचलण्याच्या सूचना महापालिका आयुक्तांनी संबंधित अधिकाऱ्यांना दिल्या

विजयनगर नाका व तिसगाव पाडा या ड प्रभागात येणाऱ्या परिसरात आयुक्तांनी प्रत्यक्ष भेट देवून नाले साफ-सफाई पाहणी केली त्यावेळी काही ठिकाणी नाले सफाईचे काम असमाधानकारक असल्याचे आढळून आल्याने या प्रभागातील स्वच्छता अधिकारी राजेंद्र खैरे यांना निलंबित करण्यात आले आहे.

कल्याण-डोंबिवली महानगरपालिका कार्यक्षेत्रातील नाले सफाई कामांची पाहणी करण्यापूर्वी आयुक्त अभिनव आयुक्त यांच्या अध्यक्षतेखाली जे आणि ड या प्रभागातील आपत्कालीन परिस्थिती लक्षात घेऊन पूर्व तयारीचा सविस्तर आढावा घेणेकामी, बैठक घेण्यात आली होती. या बैठकीत नाले सफाई व स्वच्छता यासोबत धोकादायक व अतिधोकादायक इमारतींची संख्या, त्या इमारतीतून रहिवास मुक्त केलेल्या कुंटूबांची संख्या तसेच अनधिकृत होर्डिग्ज विरोधातील कारवाई या विषयांवर सविस्तर चर्चा करण्यात आली होती.

✍️पोलीस वार्ता प्रतिनिधी: दिनेश पाटील, ठाणे, संपर्क: 8097983334