अवैद्य वाळू तस्करांवर वरणगांव पोलिसांची कारवाई मुद्देमालासह ट्रक केला जप्त!

वाळू साठा आणि ट्रक असे एकुण 4 लाख 6 हजाराच्या मुद्देमाल पोलिसांनी जप्त केला आहे.

पोलीस वार्ता, जळगाव : वरणगांवचे वरिष्ठ पोलीस निरीक्षक बबन आव्हाड साहेब यांना मिळालेल्या अवैध वाळु वाहतुकीच्या माहितनुसार त्यांनी दि.25 फेब्रुवारी रोजी त्यांनी स्थानिक गुन्हे शाखा (LCB) पथकातील पो.उप.नि.शरद बागल आणि प्रितम पाटील, श्रीकृष्ण देशमुख, रविंद्र कापडणे, रविंद्र चौधरी यांना कारवाईचे आदेश दिले.

त्यानुसार वरणगांव शहरातील फुलगाव फाट्याजवळील भुसावळ-मुक्ताईनगर राष्ट्रीय महामार्गवर पुलाखाली एक संशयित ट्रक दिसून आला. त्याची चौकशी केली असता,

ट्रक चालकाने त्याचे नाव नामदेव बळीराम नन्नवरे (वय 45) रा.गायवाडा बांभोरी, ता.धरणगाव जि.जळगाव असे सांगितले. ट्रकचा क्र. MH19 Z4024 हा असून ट्रक मध्ये अवैध वाळु ही विना परवाना वाहतुक करतांना मिळुन आले. चालकास याबाबत विचारणा केली परंतु कुठलाच परवाना नसल्याचे त्याने सांगितले.

पोलिसांनी ट्रक ताब्यात घेतला असून 6 हजार रुपये किंमतीचा वाळू साठा/माल आणि 4 लाख रुपये किंमतीचा ट्रक असे एकुण 4 लाख 6 हजाराच्या मुद्देमाल जप्त केला आहे.

वरणगांव पोलीस ठाण्यात भारतीय न्याय संहिता 2023 कलम 303(2) प्रमाणे गुन्हा दाखल करण्यात आला असुन पुढील कारवाई करणे कामी वरणंगाव पोलीस ठाण्याच्या ताब्यात तपास दिला आहे.

✍️पोलीस वार्ता संपादक : निलेश फिरके, भुसावळ, संपर्क: 09960333469