महिलेचा पाठलाग करणे, अश्लील शिवीगाळ करणे आदी आरोपांशी संबंधित संशयित ताब्यात..
पोलीस वार्ता, भुसावळ | अमरावती जिल्ह्यातील दत्तापूर पोलीस ठाण्यात दाखल असलेल्या गुन्ह्यातील 20 वर्षीय संशयिताला भुसावळ शहरातील वाल्मीक नगर परिसरातून दत्तापूर पोलिसांच्या पथकाने ताब्यात घेतले आहे. याबाबत भुसावळ बाजारपेठ पोलीस ठाण्यात दि.24 सप्टेंबर 2026 रोजी, रात्री 9:28 वाजता नोंद करण्यात आली आहे.
सविस्तर माहिती अशी की, दत्तापूर पोलीस ठाण्यातील दाखल गुन्हा क्र 302/2026 भारतीय न्याय संहिता, कलम 74, 78, 79 तसेच माहिती तंत्रज्ञान कायद्यातील कलम 67 अंतर्गत कारवाई चालू या गुन्ह्यात महिला अत्याचार, महिलेचा पाठलाग करणे, अश्लील शिवीगाळ करणे आदी आरोपांशी संबंधित कलमे लावण्यात आली आहेत. या प्रकरणातील संशयित नकुल विनोद कल्याणे, वय-20 वर्षे, रा. वाल्मीक नगर, भुसावळ हा भुसावळ येथे असल्याची माहिती दत्तापूर पोलिसांना मिळाली होती.
त्यानुसार दत्तापूर पोलीस ठाण्याचे पोउपनि. गणेश कावळे, पोलीस कर्मचारी सोनू भालेराव, धीरज इंगळे, प्रकाश दांडगे यांच्या पोलीस पथकाने भुसावळ पोहचून वाल्मीक नगर परिसरात संशयिताचा शोध घेतला असता यावेळी संशयित सदर ठिकाणी मिळून आल्याने त्याला पोलिसांनी ताब्यात घेतले. आणि त्याच्या कुटुंबीयांना गुन्ह्याची माहिती देण्यात आली.
