नागरिकांच्या विविध सोयी सुविधांचा विकास होण्यासाठी लोकसहभाग महत्वाचा – मंत्री छगन भुजबळ

अन्न, नागरी पुरवठा ग्राहक संरक्षण मंत्री छगन भुजबळ यांच्या हस्ते या कामांचे भूमिपूजन करण्यात आले..

पोलीस वार्ता, येवला : येवला शहरातील विविध विकास कामांचे भूमिपूजन ज्यात रस्ता काँक्रीटीकरण व सभामंडप कार्यक्रम 7 ऑगस्ट 2025 रोजी पार पडले. अन्न, नागरी पुरवठा ग्राहक संरक्षण मंत्री छगन भुजबळ यांच्या हस्ते या कामांचे भूमिपूजन करण्यात आले असून यावेळी नागरिकांच्या विविध सोयी सुविधांचा विकास होण्यासाठी लोकसहभाग महत्वाचा आहे, असे प्रतिपादन मंत्री छगन भुजबळ यांनी केले आहे.

मंत्री भुजबळ पुढे म्हणाले की, विकास काम करतांना त्या कामाचा दर्जा चांगला असणे आवश्यक आहे. कामाच्या गुणवत्तेबरोबर लोकसहभाग ही महत्वाचा आहे. नागरिकांनी भौतिक सुविधांबरोबरच शिक्षण व आरोग्याकडे लक्ष केंद्रित करणे ही आजच्या काळाची गरज आहे.

या कार्यक्रम प्रसंगी महिलांनी मंत्री भुजबळ यांना रक्षाबंधनानिमित्त राखी बांधून सण देखील साजरा केला. यावेळी येवला उपविभागीय अधिकारी बाबासाहेब गाढवे, येवला नगरपरीषदेचे मुख्याधिकारी तुषार आहेर यांच्यासह येवल्यातील नागरिक उपस्थित होते.

• येवला येथील भूमिपूजन सोहळा!

1) श्री बालेश्वरी माता मंदिर ते समता पतसंस्था रस्ता कॉक्रीटीकरण व भूमिगत गटार बांधकाम करणे व कामाचे भूमीपूजन करणे. (रु.64.83 लक्ष)

2) गंगादरवाजा रोडगलाज माता मंदिर येथे सभामंडप बांधणे व भूमीपूजन करणे (रु. 19 लक्ष)

3) येवला शहरातील गोरोबाकाका मंदिर सर्वे न. 25/4 ब येथे संरक्षण भिंत बांधणे. शेड बांधकाम व अनुषंगिक कामे करणे व भूमिपूजन करणे (रु. 34.35 लक्ष)

4) वेध कॉलनी भागात श्री. चव्हाण यांचे घर ते पुष्पा वाळुंज यांच्या घरापर्यंत रस्ता कॉक्रीटीकरण करणे व भूमिपूजन करणे.(रु. 26.32 लक्ष)