विद्यार्थिनींकडून समाजाचे रक्षण करते या नात्याने पोलीस कर्मचाऱ्यांना राखी बांधून ‘रक्षाबंधन सण’ साजरा..
पोलीस वार्ता, देवळाली | नेहमी समाजातील नागरिकांच्या सुरक्षा व रक्षणासाठी कार्यरत असणाऱ्या महाराष्ट्र पोलीस बंधूंना रक्षाबंधनानिमित्त पोलीस ठाण्यात जाऊन राखी बांधून ‘रक्षाबंधन सण’ साजरा करण्याचा अनोखा उपक्रम दि.27 ऑगस्ट रोजी इयत्ता पाचवी ते आठवीच्या विद्यार्थिनी व शिक्षिकांनी राबविला आहे.
देवळाली कॅम्प येथील पोलीस ठाण्यात पी.एम.श्री. कॅन्टोन्मेंट बोर्ड हायस्कूलच्या इयत्ता पाचवी ते आठवीच्या विद्यार्थिनींकडून पोलीस ठाण्यातील अधिकारी व कर्मचारी यांना समाजाचे रक्षण करते या नात्याने राखी बांधून ‘रक्षाबंधन सण’ साजरा केला. पोलीस सण-उत्सव काळात देखील दिवस रात्र नोकरी करून आपले कर्तव्य बजावतात. त्यांच्या बंदोबस्त आणि नियोजनामुळे नागरिक आनंदाने सण उत्सव साजरे करतात, अशा काळात देखील पोलीस आपल्या कुटुंबापासून वेगळे राहून कर्तव्यावर हजर असतात. ते कुटुंबात सणाचा आनंद घेऊ शकत नाही. त्यामुळे एक सामाजिक बांधिलकी म्हणून विद्यार्थिनींनी हा उपक्रम राबविला आहे. पोलिसांकडून विद्यार्थिनींना मिठाई व भेटवस्तू देण्यात आल्या.
