शहर पोलीस पथकाने रुपये वीस लाख किंमतीची स्कॉर्पिओ वाहन हस्तगत केली आहे..
पोलीस वार्ता, नाशिक | शहरातील सातपूर पोलीस ठाण्यात दाखल असलेल्या महिंद्रा कंपनीची स्कॉर्पिओ वाहन चोरीच्या गुन्ह्याचा तपास करून आरोपीस अटक करण्याचे आदेश शहर गुन्हे शाखा युनिट- 2 ला शहर पोलीस आयुक्त यांनी दिले होते.
त्यानुसार तपास करत असताना गुन्हेशाखा पोलीस पथकाच्या सपोउनि. गुलाब सोनार व पोअंम मनोज शिंदे यांना गुप्त बातमी मिळाली की, सातपुर येथील चोरीचा गु.र.नं 726/2026 भा.न्या. संहिता कलम 303(2) प्रमाणे दाखल असलेल्या गुन्ह्यातील चोरीचे महिंद्रा कंपनीची स्कॉर्पिओ वाहन हे भावीन व्हील्स महिंद्रा सर्व्हिस सेंटर, सातपुर, नाशिक येथुन चोरीस गेले असुन ही चोरी संशयीत समाधान शिरोळे, रा. धारणगांव, ता. सिन्नर, जि. नाशिक याने केली असुन तो नाशिकरोड रेल्वे स्टेशन परिसरात फिरत आहे.
सदरची बातमी शहर गुन्हेशाखा युनिट-2 चे प्रभारी सपोनि. हेमंत तोडकर यांना दिली असता त्यांनी गुप्त बातमीची खात्री करून पोलीस पथकाला कारवाई करण्याचे आदेश दिले. त्यानंतर पोउनि. मुक्तारखान पठाण, सपोउनि. गुलाब सोनार, पोअं. मनोज शिंदे, प्रविण वानखेडे, सुनिल खैरनार यांचे पथक तयार करून नाशिकरोड रेल्वे स्टेशन परिसरात सापळा लावण्यात आला. संशयित समाधान शिरोळे दिसताच त्याला ताब्यात घेऊन त्याचे नाव व पत्ता विचारले असता त्याने नाव समाधान अंबादास शिरोळे, वय-27 वर्ष, रा. मु. धारणगांव, पो. देवपुर, ता. सिन्नर, नाशिक असे सांगितले. पुढे त्यास चौकशीसाठी गुन्हेशाखा युनिट-2 च्या अश्विननगर येथील कार्यालयात आणून चौकशी केली. आरोपीने कबुली दिली की, दि.1 सप्टेंबर 2026 रोजी महिंद्रा स्कॉर्पिओ गाडी रागाच्या भरात चोरी करून नेली होती. त्यानुसार पोलीस पथकाने रुपये वीस लाख किंमतीची स्कॉर्पिओ वाहन हस्तगत केली आहे. गुन्हेशाखा युनिट-2 च्या पथकाने 24 तासात गुन्ह्याचा तपास करून आरोपीस अटक केली आहे.
