सब रजिस्टर ऑफिस तांत्रिक देखभाल दुरुस्तीसाठी पुढील तीन दिवस बंद, नागरिकांनी नोंद घ्यावी

आज गुरुवार दि.14 ऑगस्ट रात्री 12 वाजल्यापासून ते रविवार दि.17 ऑगस्ट रात्री 12 वाजेपर्यंत, तीन दिवस बंद राहणार आहे..

पोलीस वार्ता, नाशिक : महाराष्ट्र शासनाच्या नोंदणी व मुद्रांक विभागाच्या खरेदी-विक्रीसाठी उपयोगात येणाऱ्या दस्त नोंदणीचे सर्व्हर तांत्रिक देखभाल व दुरुस्तीच्या कामामुळे आज गुरुवार दि.14 ऑगस्ट 2025 रात्री 12 वाजल्यापासून ते रविवार दि.17 ऑगस्ट 2025 रात्री 12 वाजेपर्यंत, तीन दिवस बंद राहणार आहे. त्यामुळे दस्तनोंदणी होऊ शकणार नाही, अशी माहिती नोंदणी पुणे उपमहानिरीक्षक उदयराज चव्हाण यांनी दिली आहे. राज्यातील आय-सिरिता प्रणाली अंतर्गत दस्तनोंदणीसह इतर सर्व अनुषंगिक सर्व सेवा बंद राहणार आहे.

शुक्रवारी 15 ऑगस्ट, स्वातंत्र्यदिन असल्याने सार्वजनिक सुटी आहे. त्यानंतर शनिवारी व रविवारी आल्याने देखील दस्त नोंदणी कार्यालय बंद राहतील. संबंधित पक्षकार व दस्त नोंदणी करणाऱ्या नागरिकांनी नोंद घ्यावी, असे नाशिक सहजिल्हा निबंधक वर्ग-1 तथा मुद्रांक जिल्हाधिकारी सुनील पाटील यांनी प्रसिद्धी पत्रकारद्वारे सांगितले आहे.