शहरात जुगार अड्ड्यावर छापा; सात जणांविरुद्ध बाजारपेठ पोलीस ठाण्यात गुन्हा दाखल!

छाप्यात जुगाराचे साधने व रोख 1910 रुपये मिळून आले. बाजारपेठ पोलीस ठाण्यात गुरनं- 490 दाखल करण्यात आला आहे..

पोलीस वार्ता, भुसावळ : शहरातील शिवाजी नगर भागात एका टपरीच्या आडोशाला सात  जणांनी त्यांच्या स्वतःच्या फायद्यासाठी झन्ना – मन्ना नावाचा मांग 52 पत्यांचा खेळ कॅटवर खेळवतांना मिळून आल्याची घटना दि.23 ऑक्टोबर रोजी रात्री 1:30 वाजेच्या सुमारास घडली.

याबाबत भुसावळ शहरातील बाजारपेठ पोलीस ठाण्याचे पोलीस निरीक्षक राहुल वाघ यांना गोपनीय माहिती मिळाली होती की, शिवाजी नगर भागात काही इसम झन्ना – मन्ना नावाचा जुगार खेळत आहे. याबाबत रात्री गस्ती करणारे पोलीस राजकीरण झाल्टे, भूषण चौधरी, प्रशांत सोनार यांना सदर माहिती फोनव्दारे कळवून त्यांच्या पथकास पुढील कारवाई करण्याचे आदेश दिले. पथक घटनास्थळापासून लांब थांबून लपतछपत पायी जावून भुसावळ शहरातील शिवाजी नगर भागात डी.एल.हिन्दी शाळेजवळ पोहचून तेथून राजू तुळशीराम केथवास(वय-45), योगेश लक्ष्मीनारायण मालविया(वय-43), रोशन राजकुमार मेहरा(वय-52), अजय मनोहर मेंढारे(वय-55) संदीप सयाजी भंगाळे(वय-40), राजू उर्फ राजेंद्र पाव्हणू वाघ(वय-52), मिलिंद निवृत्ती शिंदे (वय-53) सर्व राहणार शिवाजी नगर त्यांची अंगझडती घेतली असता छाप्यात त्यांच्या कब्जात पत्ते जुगाराचे साधने व रोख 1910 रुपये मिळून आले. म्हणून मनोज भागवत गाळफाडे यांनी दिलेल्या फिर्यादीवरून गुरनं- 490 महाराष्ट्र जुगार प्रतिबंधक अधिनियम कायदा कलम 12 (अ) प्रमाणे बाजारपेठ पोलीस ठाण्यात गुन्हा दाखल करण्यात आला आहे.