सोमवार दि. 8 डिसेंबर 2025 रोजी, सकाळी 11 ते दुपारी 2 वाजता या वेळेत पंडित दीनदयाळ उपाध्याय रोजगार मेळाव्याचे आयोजन..
पोलीस वार्ता, नाशिक : जिल्हा कौशल्य विकास रोजगार व उद्योजकता मार्गदर्शन केंद्र यांच्या वतीने सोमवार दि. 8 डिसेंबर 2025 रोजी, सकाळी 11 ते दुपारी 2 वाजता या वेळेत पंडित दीनदयाळ उपाध्याय रोजगार मेळाव्याचे आयोजन करण्यात आले आहे. या रोजगार मेळावा संधी मोहीम-10 मध्ये उपस्थित उमेदवारांची जागेवर निवड होणार आहे. त्यामुळे जास्तीत जास्त नोकरी पाहिजे असलेल्या उमेदवारांनी मेळाव्यात सहभागी होण्याचे आवाहन कौशल्य विकास, रोजगार व उद्योजकता नाशिकचे सहा.आयुक्त वि.रा.रिसे यांनी केले आहे. मुलाखतीसाठी संबंधित कार्यालयाच्या प्रगत व्यवसाय प्रशिक्षण पद्धती इमारत, पहिला मजला, आयटीआय, सातपूर परिसर, त्र्यंबकरोड, नाशिक या ठिकाणी वेळेत उपस्थित राहणे आवश्यक आहे.
या मेळाव्यात एकूण 97 जागांसाठी रोजगाराच्या संधी उपलब्ध होणार आहे. तसेच निवड झालेल्या उमेदवारांना जागेवरच नोकरी उपलब्ध होणार आहे. मेळाव्यात आरती एज्युकेअर प्रा.लि., स्पार्क एचआर सोल्यूशन आणि ॲक्युअटॅच वॉटर सोल्यूशन, या नाशिक मधील 3 कंपन्या सहभागी होणार व मुलाखती घेणार आहेत.
