जिल्हाधिकारी आयुष प्रसाद यांच्याकडून जिल्हा परिषदेच्या नवीन इमारतीची पाहणी..

इमारतीच्या पहिल्या टप्प्याचे काम पूर्ण झाले असून लवकरच या इमारतीचा लोकार्पण सोहळा होणार आहे..

पोलीस वार्ता, नाशिक : शहरातील जिल्हा परिषदेच्या नवीन प्रशासकीय इमारतीला कामकाजाची पाहणी करण्यासाठी दि.30 ऑक्टोबर रोजी सकाळी जिल्हाधिकारी आयुष प्रसाद यांनी भेट दिली.

जिल्हा परिषदेची त्र्यंबकरोड परिसरात नवीन इमारत बांधण्यात आली आहे. या इमारतीच्या पहिल्या टप्प्याचे काम पूर्ण झाले असून त्यात प्रशस्त पार्किंग आहे. तीन मजल्यांचे एकूण 1 लाख 51 हजार चौरस फूट बांधकाम करण्यात आले आहे. लवकरच या इमारतीचा लोकार्पण सोहळा होणार आहे.

जिल्हाधिकारी प्रसाद यांनी नवीन इमारतीला भेट देऊन नवीन सोयीसुविधांची माहिती घेत इमारतीची पाहणी केली. यावेळी जिल्हा परिषदेचे मुख्य कार्यकारी अधिकारी ओमकार पवार, अतिरिक्त मुख्य कार्यकारी अधिकारी डॉ.अर्जुन गुंडे, कार्यकारी अभियंता संदीप सोनवणे, उपअभियंता राजेंद्र मोरे, अभिजित बनकर उपस्थित होते.