विद्यार्थ्यांच्या मूलभूत सुविधांकडे प्रशासनाचे लक्ष वेधण्यासाठी हे अभियान राबविण्यात येत आहे..
पोलीस वार्ता, नाशिक | कॉकरोच जनता पार्टी (सीजेपी) टीम तर्फे “स्कूल ठीक करो” या अभियानांतर्गत नाशिकमधील विविध शासकीय विभागांना दि.7 सप्टेंबर रोजी निवेदन देण्यात आले. शिक्षण व्यवस्थेतील समस्या, शाळांची दुरावस्था आणि विद्यार्थ्यांच्या मूलभूत सुविधांकडे प्रशासनाचे लक्ष वेधण्यासाठी हे अभियान राबविण्यात येत आहे.
या अभियानाच्या अंतर्गत नाशिक महानगरपालिका प्रशासनातील प्रशासकीय अधिकारी डॉ. मित्ता उज्वला अरुण चौधरी, आदिवासी विकास आयुक्तालय नाशिक येथील उपायुक्त राजेंद्रकुमार हिवाळे तसेच जिल्हा परिषद प्राथमिक शिक्षणाधिकारी साईलता कृष्णा समलेती यांना निवेदन देण्यात आले. यावेळी सीजेपी टीमचे प्रतिनिधी म्हणून रामेश्वर गवई, प्रवीण गांगुर्डे, सदानंद पांडव, ज्योती मोरे, महेश गांगुर्डे, गोरख मोहिते, धीरज सोनवणे आदी उपस्थित होते.
