विभागीय आयुक्त कार्यालय येथे 15 ऑगस्ट रोजी सकाळी ध्वजारोहणाचा शासकीय कार्यक्रम होणार

नाशिक विभागीय आयुक्त कार्यालय येथे ध्वजारोहण सोहळा सकाळी 9 वाजून 5 मिनिटांनी जलसंपदा मंत्री गिरीश महाजन यांच्या हस्ते होणार..

पोलीस वार्ता, नाशिक | देशात 80 वा स्वातंत्र्यदिन दिनांक 15 ऑगस्ट 2026 रोजी देशभर व राज्यभर उत्साहात साजरा करण्यात येणार आहे. राज्याच्या जिल्हा मुख्यालयात संबंधित पालकमंत्री व मंत्र्यांच्या हस्ते ध्वजारोहण कार्यक्रम पार पडणार आहे. याबाबत सामान्य प्रशासन विभागाने परिपत्रक जारी केले आहे. महाराष्ट्र राज्याचा मुख्य शासकीय ध्वजारोहण समारंभ मंत्रालय, मुंबई येथे सकाळी 9:05 वाजता होणार असून मुख्यमंत्री देवेंद्र फडणवीस यांच्या हस्ते ध्वजारोहण करण्यात येईल. तर पुणे येथे राज्यपाल जिष्णू देव वर्मा यांच्या हस्ते ध्वजारोहणाचा कार्यक्रम होणार आहे.

नाशिक विभागीय आयुक्त कार्यालय, नाशिक येथे हा सोहळा सकाळी 9 वाजून 5 मिनिटांनीच जलसंपदा मंत्री गिरीश महाजन यांच्या हस्ते ध्वजारोहण होऊन संपन्न होईल. या कार्यक्रमासाठी नागरिकांनी उपस्थित राहावे, असे आवाहन विभागीय आयुक्त डॉ.प्रवीण गेडाम, जिल्हाधिकारी आयुष प्रसाद यांनी केले आहे.