भोर (संतोष मोहिते) तालुक्यातील नसरापूर येथील तीन वर्षांच्या मुलीवरील लैंगिक अत्याचार व खून प्रकरणी आरोपीवर अतितात्काळ कठोर कारवाई करण्याची मागणी करत महाराष्ट्राचे मुख्यमंत्री देवेंद्र फडणवीस यांना सह्याद्री अतिथीगृह येथे निवेदन दिले.
या निवेदनात प्रकरणाची जलदगती न्यायालयात सुनावणी करून पीडित कुटुंबाला तातडीने न्याय मिळावा, सरकारी वकील म्हणून उज्वल निकम यांची नियुक्ती करावी, तसेच पीडित मुलीच्या आईला सरकारी नोकरी देऊन आर्थिक मदत करण्यात यावी, अशा प्रमुख मागण्या करण्यात आल्या.
यावेळी आमदार संग्राम थोपटे, आमदार राहुल कुल, जिल्हा परिषद सदस्या स्वरूपा थोपटे, सदस्य पोपटराव सुके, नसरापूरच्या सरपंच उषा कदम, उपसरपंच इरफान मुलाणी यांच्यासह विविध पदाधिकारी व ग्रामस्थ मोठ्या संख्येने उपस्थित होते.
