महाराष्ट्र मेडिकल कौन्सिल निवडणूक 2026 साठी 26 एप्रिल रोजी होणार मतदान!

नोंदणीकृत वैद्यकीय व्यवसाय करणारे (R.M.P.) आणि मतदार यादीत नावे असलेले मतदार मतदानास पात्र राहतील..

पोलीस वार्ता, नाशिक : महाराष्ट्र वैद्यकीय परिषद (Maharashtra medical council) मुंबई निवडणूक 2026 अंतर्गत परिषदेमधील 9 सदस्यांच्या निवडीसाठी नाशिक येथे दि.26 एप्रिल रोजी मतदान प्रक्रिया पार पडणार आहे. नोंदणीकृत वैद्यकीय व्यवसाय करणारे (R.M.P.) आणि मतदार यादीत नावे असलेले मतदार मतदानास पात्र राहतील. मतदानासाठी मतदारांनी खालीलपैकी कोणतेही एक छायाचित्र असलेले ओळखपत्र सादर करणे आवश्यक आहे. निवडणूक प्रक्रिया सुरळीत, पारदर्शक व शांततेत पार पाडण्यासाठी यंत्रणा सज्ज असून पात्र मतदारांनी मतदानाचा हक्क बजावावा, असे आवाहन उपजिल्हा निवडणूक अधिकारी डॉ.मधुमती सरदेसाई यांनी पत्रकाद्वारे केले आहे.

मतदान दिन व वेळ

दि.26 एप्रिल 2026 रोजी, सकाळी 8 ते सायंकाळी 5 वाजेपर्यंत मतदान प्रक्रिया सुरू असेल.

मतदान केंद्राचे ठिकाण

नाशिक मधील मातोश्री रामप्यारीबाई सारडा कन्या विद्यामंदिर, टिळक रोड, नेहरू गार्डन समोर, शालिमार, या ठिकाणी 7 मतदान केंद्र महाराष्ट्र वैद्यकीय परिषद निवडणुकीसाठी निश्चित करण्यात आले आहेत.

पुढील पैकी कोणतेही एक ओळखपत्र आवश्यक

1. महाराष्ट्र वैद्यकीय परिषद नोंदणी प्रमाणपत्र

2. निवडणूक आयोगाचे मतदार फोटो ओळखपत्र (EPIC)

3. आधार कार्ड

4. बँक/टपाल कार्यालयाने दिलेले छायाचित्र असलेले पासबुक

5. वाहन चालविण्याचा परवाना

6. पॅन कार्ड

7. भारतीय पासपोर्ट

8. छायाचित्र असलेले निवृत्तीवेतन दस्तऐवज

9. केंद्र/राज्य शासन/सार्वजनिक क्षेत्र/सार्वजनिक मर्यादित कंपन्यांचे कर्मचारी ओळखपत्र

10. संसद सदस्य/विधानसभा सदस्य/विधानपरिषद सदस्यांचे अधिकृत ओळखपत्र

11. विशिष्ट दिव्यांगत्व ओळखपत्र (UDID)

मतदारांच्या सोयीसाठी केंद्रनिहाय मतदारांची विभागणी करण्यात आली असून 7 ही केंद्रांवर अनुक्रमे अनुक्रमांक 1 ते 671, 672 ते 1343, 1344 ते 2013, 2014 ते 2682, 2683 ते 3352, 3353 ते 4020, 4021 ते 4650 अशी मतदारांची व्यवस्था करण्यात आली असल्याचे उपजिल्हा निवडणूक अधिकारी यांनी सांगितले आहे.