गेल्या वर्षी इंदिरानगर परिसरात घरफोडी करून सोने चोरीला घेल्याची घटना घडली होती..
पोलीस वार्ता, नाशिक : शहरातील इंदिरानगर पोलीस ठाण्यात गेल्या वर्षी दि.8 मे 2025 रोजी घरफोडी करून सोने चोरीला घेल्याची घटना घडली होती. या संदर्भात इंदिरानगर पोलीस ठाण्यात गुरनं- 149/2025 भा.न्या.सं. कलम 305(अ), 331(3), 331(4) प्रमाणे गुन्हा दाखल करण्यात आला होता.
या गुन्ह्याचा तपास शहर पोलीस गुन्हेशाखा युनिट-1 करत असताना माहिती मिळाली की, सदर घरफोडी रोहन भोळे याने केली आहे. त्यानुसार तांत्रिक विश्लेषणावरून पोह. महेश साळुंके व पोअं. राहुल पालखेडे यांनी खात्रीशीर माहिती दिली. आरोपी नाशिक शहरातच फिरत आहे. पुढे पोअं. विलास चारोस्कर व पोअं. नितीन जगताप यांनी खबऱ्यांकडून गोपनीय माहिती मिळवली की, आरोपी विद्यानगरी, उपनगर, नाशिकरोड परिसरात येणार आहे. ही माहिती शहर गुन्हेशाखा युनिट-1 चे वपोनि. डॉ.अंचल मुदगल यांना दिली असता त्यांनी कायदेशीर कारवाई करण्याच्या सूचना दिल्या त्यानुसार पोउनि. चेतन श्रीवंत, पोअं. विलास चारोस्कर, नितीन जगताप, राहुल पालखेडे, आप्पा पानवळ, गोरक्ष साबळे, राम बर्डे, मपोह. शर्मिला कोकणी यांचे पोलीस पथक तयार करून विद्यानगरी येथे पाठवण्यात आले. आरोपी संबंधित परीसरात मिळून आल्याने त्यास ताब्यात घेऊन त्याला नाव विचारले असता त्याने रोहन संजय भोळे (वय-38), रा- विदयानगरी, उपनगर, नाशिक असे सांगितले. सदर गुन्ह्याची विचारणा केली तेव्हा त्याने सांगितले हा गुन्हा त्याने व त्यांचा मित्र आकाश कोठे यांनी मिळून केला आहे. तसेच त्याने आणखीन इतर गुन्हे देखील केलेले आहेत. ते खालील प्रमाणे..
1)सटाणा पो.स्टे, नाशिक ग्रामीण गुरनं- 95/2025 भा.न्या.सं. कलम 305(अ), 331(3) प्रमाणे गुन्हा.
2)सिन्नर पो.स्टे, नाशिक ग्रामीण गुरनं- 633/2025 भा.न्या.सं. कलम 305(अ), 331(3) प्रमाणे गुन्हा.
3)कोडी गेहाली, बँगलोर, कर्नाटक गुरनं- 428/2025 भा.न्या.सं. कलम 305(अ), 331(3) प्रमाणे गुन्हा.
पुढील पोलीस कारवाईसाठी आरोपी रोहन भोळे याला इंदिरानगर पोलीस ठाण्याच्या ताब्यात देण्यात आले आहे.
