भुसावळ शहर बाजारपेठ हद्दीत प्रशासनाची कोप्ता कायद्याअंतर्गत कारवाई करत गुन्हे दाखल!

शाळा, महाविद्यालये यांच्या 100 मीटर अंतरात असलेले सर्व पान, गुटखा, तसेच तंबाखुजन्य पदार्थ विक्री करणाऱ्यांवर कारवाई..पोलीस वार्ता, भुसावळ : भुसावळ शहरातील बाजारपेठ पोलीस ठाणे हद्दीतील शाळा, महाविद्यालये यांच्या 100 मीटर अंतरात असलेले सर्व पान, गुटखा, तसेच तंबाखुजन्य पदार्थ विक्री करणारे असे 12 टपरी धारकांवर कोप्ता कायद्याअंतर्गत दि.20 डिसेंबर 2024 रोजी कारवाई करण्यात आली. यात नगरपरिषद प्रशासनाकडुन 6 पान टपऱ्या ह्या जमा करण्यात आल्या आहेत.

सविस्तर वृत्त असे की, बाजारपेठ पोलीस ठाणे हद्दीत शाळा, महाविद्यालय लगतच्या तंबाखुजन्य पदार्थ विक्री करणाऱ्यां कारवाई करण्याचे निर्देश मिळाले होते. त्यानुसार दि.20/12/2024 रोजी पोलीस प्रशासन तसेच नगरपालिका प्रशासन यांनी संयुक्तरीत्या कारवाई केली. यापुढे देखील वेळोवेळी अशी मोहीम राबवुन कारवाई करण्यात येणार आहे.

सदरची कार्यवाही मा.पोलीस अधिक्षक जळगाव श्री.महेश्वर रेड्डी, मा.अप्पर पोलीस अधिक्षक श्री.अशोक नखाते, मा.उपविभागीय पोलीस अधिकारी भुसावळ भाग भुसावळ श्री.कृष्णात पिंगळे, पोलीस निरीक्षक भुसावळ बाजारपेठ पोलीस स्टेशन श्री.राहुल वाघ तसेच मा.कार्यकारी मुख्य अधिकारी भुसावळ व नगरपरिषद यांचे मार्गदर्शनाखाली पोलीस प्रशासन तसेच नगरपरिषद प्रशासन यांनी मिळून केलेली आहे.

✍️पोलीस वार्ता न्यूज, भुसावळ