शेतकऱ्यांना कृषी विभागाच्या योजनांच्या लाभासाठी ॲग्रीस्टॅक वरून फार्मर-आय.डी काढणे गरजेचे..

ॲग्रीस्टॅक अंतर्गत शेतकरी ओळखपत्र प्राप्त करून घेण्याचे आवाहन जिल्हा कृषी अधिकारी यांनी केले आहे..

पोलीस वार्ता, नाशिक : शेतकऱ्यांसाठी महत्वाची बातमी, जिल्हा कृषी विभागाकडून 9 जून रोजी जाहीर करण्यात आलेल्या पत्रकानुसार 15 एप्रिल 2025 पासून ‘फार्मर-आय.डी’ अनिवार्य केले आहे.

जिल्हा शेतकऱ्यांसाठी कृषी विभागांतर्गत राबविण्यात येणाऱ्या सर्व योजनांच्या लाभासाठी आता शेतकरी ओळख क्रमांक म्हणजे फार्मर-आय.डी आवश्यक असणार आहे. चालू वर्ष 2025-26 मध्ये पुनर्रचित हवामानावर अधारित फळ-पीक विमा योजना, मृग व आंबिया बहार योजना यांसारख्या योजनांमध्ये शेतकऱ्यांना सहभागी होण्यासाठी 11 जून 2025 पर्यंत ॲग्रीस्टॅक अंतर्गत शेतकरी ओळखपत्र प्राप्त करून घेण्याचे आवाहन जिल्हा अधीक्षक कृषी अधिकारी अभिमन्यू काशिद यांनी केले आहे.

याबाबत अधिक माहितीसाठी 11 एप्रिल 2025 रोजी करण्यात आलेल्या शासन निणर्य पहावा. असे त्यांनी प्रसिद्धी पत्रकात म्हंटले आहे.