मोठी बातमी ….
भुसावळ – निलेश के फिरके | येथील राज्य उत्पादन शुल्क विभागातील उपनिरीक्षक किरण सोनवणे (वय ३९) यांनी ता.१९ रोजी त्यांचेसोबत असलेल्या राज्य उत्पादन शुल्क विभागाचे पथकाने तक्रारदार यांचे घरी जाऊन अवैध दारू विक्री बाबत छापा टाकला होता. सदरचा छापा मध्ये तक्रारदार यांचेकडेस असलेला ३० ते ३५ हजार रुपये किंमतीच्या दारुच्या बाटल्या जप्त केल्या होत्या व दारूची केस न करण्यासाठी १० हजार रुपये घेतले होते. दारूची केस न करण्यासाठी तक्रारदार यांच्या कडून ५० हजार रुपयांची मागणी केली होती.तडजोड अंती ३०,००० रुपयाची मागणी करून लाचेची रक्कम रंगेहात स्वीकारतांना मिळून मिळून आल्याने दोघांना ताब्यात घेण्यात आले आहे.
त्याबाबत तक्रारदार यांनी ता.२२ रोजी लाप्रवि जळगांव यांना तक्रार दिली होती.सदर तक्रारीची लाच मागणी पडताळणी केली असता कारवाई दरम्यान दोन्ही आरोपीनी दारू विक्री करण्यासाठी व तक्रारदार यांना त्रास न देण्यासाठी प्रथम ५०,००० ची मागणी करून तडजोड अंती ३०,००० रुपयाची मागणी करून लाचेची रक्कम स्वीकारण्याची तयारी दर्शवली. ता.२२ रोजी संशयित आरोपी किरण माधव सुर्यवंशी,वय ३७,राहणार हुडको कॉलनी भुसावळ ( खाजगी इसम) यास ३०,००० रुपये लाचेची रक्कम स्विकारताना रांगेहाथ पकडण्यात आले असून त्यांचेवर फैजपूर पोलीस ठाणे येथे गुन्हा दाखल करण्याची प्रक्रिया चालू आहे.
सदरील कार्यवाही पोलीसअधीक्षक,श्रीमती शर्मिष्ठा घारगे वालावलकर मॅडम, ला.प्र.वि, नाशिक यांचे मार्गदर्शनाखाली पोलीस उपअधीक्षक लाप्रवि जळगांव योगेश ठाकूर तपास अधिकारी श्रीमती स्मिता नवघरे,पोलीस निरीक्षक, लाप्रवि जळगांव.पोना बाळू मराठे, पोकॉ राकेश दुसाने यांच्या पथकाने यशस्वीरित्या पार पाडलेली आहे.
