युपी; झाशी मेडिकल कॉलेजच्या चाईल्ड वॉर्डला भीषण आग, 10 मुलांचा मृत्यू; सीएम योगींनी घेतली दखल!

झाशीच्या आयुक्तांनी सांगितले की, ही आग शॉर्ट सर्किटमुळे लागली, ज्यामध्ये 10 मुलांचा मृत्यू झाला.

पोलीस वार्ता, लखनऊ: उत्तर प्रदेशातील झाशी मेडिकल कॉलेजमध्ये दि.15 नोव्हेंबर, शुक्रवारी भीषण आग लागली. या अपघातात 10 मुलांचा मृत्यू झाला आहे. मुलांच्या वॉर्डात ही आग लागली. आग लागल्यानंतर रुग्णालयात चेंगराचेंगरी झाली. घटनेची माहिती मिळताच अग्निशमन दलाचे पथक घटनास्थळी दाखल झाले. आग लागल्यानंतर येथे दाखल असलेल्या रुग्णांना आणि अनेक मुलांना खिडक्यांच्या काचा फोडून बाहेर काढण्यात आले. दुसरीकडे मुख्यमंत्री योगी आदित्यनाथ यांनीही या घटनेची दखल घेतली असून वरिष्ठ अधिकाऱ्यांना घटनास्थळी जाण्याच्या सूचना दिल्या आहेत.

झाशीच्या आयुक्तांनी सांगितले की, ही आग शॉर्ट सर्किटमुळे लागली, ज्यामध्ये 10 मुलांचा मृत्यू झाला. सध्या या प्रकरणाचा तपास सुरू आहे. ते म्हणाले की, गंभीर जखमी मुलांना रुग्णालयात दाखल करण्यात आले आहे. उपमुख्यमंत्री ब्रजेश पाठक आणि आरोग्य विभागाचे प्रधान सचिव घटनास्थळी रवाना झाले आहेत.

मिळालेल्या माहितीनुसार, झाशी मेडिकल कॉलेजच्या मुलांच्या हॉस्पिटलमध्ये दि.15 नोव्हेंबर, शुक्रवारी रात्री आग लागली. आगीच्या घटनेनंतर रुग्णालयात एकच गोंधळ उडाला. माहिती मिळताच वरिष्ठ अधिकारी आणि अग्निशमन दलाच्या गाड्या घटनास्थळी दाखल झाल्या.

आग लागल्यानंतर वॉर्डात उपस्थित डॉक्टर, वैद्यकीय कर्मचारी आणि परिचरांनी मुलांना वाचवले. आग लागल्यानंतर संपूर्ण वॉर्ड धुराने भरला होता.

• मुख्यमंत्री योगी यांनी शोक व्यक्त केला..

मुख्यमंत्री योगी आदित्यनाथ यांनी या दुर्घटनेची गंभीर दखल घेतली असून, मृत मुलांच्या कुटुंबियांप्रती शोक व्यक्त केला आहे. याशिवाय जखमींना तातडीने रुग्णालयात दाखल करून त्यांच्यावर योग्य उपचार करण्याच्या सूचना जिल्हा प्रशासनाच्या अधिकाऱ्यांना देण्यात आल्या आहेत. यासोबतच जखमींच्या लवकरात लवकर बरे होण्यासाठी त्यांनी शुभेच्छा दिल्या.

• 12 तासांत अहवाल सादर करण्याच्या सूचना?

यासोबतच मुख्यमंत्र्यांच्या सूचनेनुसार उपमुख्यमंत्री ब्रिजेश पाठक आणि आरोग्य विभागाचे प्रधान सचिव झाशीला रवाना झाले आहेत. याप्रकरणी आयुक्त आणि डीआयजींना अपघाताची चौकशी करून बारा तासांत अहवाल मुख्यमंत्र्यांना सादर करण्याच्या सूचना देण्यात आल्या आहेत.