मुंबई येथील खुनाच्या गुन्ह्यातील आरोपीस भुसावळ रेल्वे स्थानकावरून अटक

अनैतिक प्रेम संबंधातून खून करून पळून जाणाऱ्या आरोपीस भासावल येथे उद्योगनगरी एक्सप्रेसमधून घेतले ताब्यात..

पोलीस वार्ता, भुसावळ : शहरातील बाजारपेठ पोलीस ठाण्याचे पोलिस निरीक्षक राहुल वाघ यांना गोपनीय माहिती मिळाली होती की, दिंडोशी पोलीस ठाणे मुंबई येथील खुनाचा गुन्हा दाखल असलेला संशयित आरोपी उद्योगनगरी रेल्वे एक्सप्रेसने पळून जात आहे. पो.नि वाघ यांनी पथकास बोलावून रेल्वे स्थानकावर पाचारण केले व रेल्वे सुरक्षा बल विभागाच्या अधिकाऱ्यांच्या मदतीने संयुक्त कारवाई करून मुंबई येथील खुनाच्या गुन्ह्यातील आरोपीस भुसावळ रेल्वे स्टेशन येथून ताब्यात घेऊन अटक अटक केली.

आरोपीचे नाव शिवदास कुमार यादव असे आहे. दरम्यान खून झालेल्या चंद्रशेखर चौहान (वय 35) राहणार हमुलाल सेवा मंडळ, बंजारी पाडा जनरल, एके वैद्यमार्ग, गोकूळधाम, गोरेगाव पु.मुंबई यास शाहरुख खान व रंजु चौहान यांच्या प्रेमसंबंधाबाबत माहिती झाल्याने तो प्रेमसंबंधात अडथळा निर्माण झाल्याने संशयित रंजु चौहान, शाहरुख खान, मैन्नोद्दीन खान, शिवदास अशांनी मिळून संगनमतीने कट रचून चंद्रशेखर चौहान यांचा राहत्या घरामध्ये गळा दाबून आवळून खून केल्याची घटना दि.15 मार्च 2025 रोजी मध्यरात्री 2.45 वाजेला घडली होती. यासंदर्भात दि.18 मार्च रोजी तुषार तानाजी सारंग राहणार 415-सी.विंग जय हनुमान सोसायटी, कोकणीपाडा, कुरार गाव ,मलाड पूर्व यांनी दिलेल्या फिर्यादीवरून चौघांविरुद्ध दिंडोशी पोलिस ठाणे मुंबई येथे गुन्हा दाखल करण्यात आला होता. या गुन्ह्यातील संशयित आरोपी शिवदास कुमार यादव हा पळून जास्त असल्याची संपूर्ण माहिती मिळताच पोलीस निरीक्षक राहुल वाघ यांनी गुन्हे शोध पथकाच्यावतीने संयुक्त कारवाई केली.

यात सहा. पोलीस निरीक्षक अमित बागुल, पो.उप निरी, मंगेश जाधव, पो.ह. योगेश माळी व अमर आढाळे तसेच रेल्वे सुरक्षा बल विभागाचे अधिकारी व कर्मचारी यांचा सहभाग होता. आरोपीस दिंडोशी पोलीस ठाण्याच्या ताब्यात देण्यात आले आहे.