प्रदर्शनाला मुंबईकरांचा चांगला प्रतिसाद मिळाला असून महाराष्ट्रातील वेगवेगळ्या भागातील लोकांनी येथे भेट दिली आहे..
पोलीस वार्ता, बारामती : मुंबईतील बीकेसी मैदान येथे आयोजित ‘महालक्ष्मी सरस प्रदर्शन 2025’ या कार्यक्रमाचा शुभारंभ राज्याचे मुख्यमंत्री मा. देवेंद्र फडणवीस साहेब यांच्या हस्ते दि. 11 फेब्रुवारी रोजी झाला होता.
हा कार्यक्रम 23 फेब्रुवारी पर्यंत चालला, शहरी व ग्रामीण महिलांचे सक्षमीकरण आणि त्यांच्या व्यवसाय-उत्पादनांना योग्य मार्गदर्शन, बाजारपेठ मिळवून देण्याच्या दिशेने हा सरकारचा प्रयत्न आहे. या प्रदर्शनाला मुंबईकरांचा चांगला प्रतिसाद मिळाला असून महाराष्ट्रातील वेगवेगळ्या भागातील लोकांनी येथे भेट दिली आहे.
या प्रदर्शनात विविध व्यावसायिक महिलांनी, संस्थांनी, आपापल्या व्यवसायीक उत्पादनांचे स्टॉल लावले होते. त्यातच बारामती येथील ‘हाय-टेक टेक्सटाईल पार्क’ ने देखील यात सहभाग घेतला होता. या स्टॉलला महिलांचा प्रचंड प्रतिसाद मिळाला आहे. ‘हाय-टेक टेक्सटाईल’ पार्कच्या कार्यप्रणालीची आलेल्या महिलांनी माहिती घेत तयार उत्पादित वस्त्रमालाचे पाहून विशेष कौतुक केले.
पुण्यातील बारामती हे शेतीप्रधान केंद्र असेल तरी तेथे वस्त्र उद्योगाचा विकास देखील महत्वाचा आहे. टेक्सटाइल उद्योगाने स्थानिक अर्थव्यवस्थेला मोठी चालना दिली असून लाखो लोकांना रोजगार उपलब्ध करून दिला आहे. बारामती टेक्सटाईल पार्कच्या अनेक ब्रँड्सना प्रदर्शनात चांगली पसंती मिळाली, बारामतीमध्ये बऱ्याच टेक्सटाइल कंपन्या कार्यरत असून या कंपन्या कापड उत्पादन, रंगकाम, जाड कापड, आणि उच्च दर्जाच्या वस्त्र उत्पादक करून या क्षेत्रांमध्ये आघाडीवर उभरत आहे. यामध्ये स्थानिक कष्टकरी वर्गाला एक उत्तम रोजगार संधी उपलब्ध होत आहे. कामगारांचे जीवनमानात सुधारण्यास मदत मिळत आहेत.
‘महालक्ष्मी सरस प्रदर्शन 2025’ विषेश बाब!
-
ग्रामीण भागातील महिला बचत गटांचे 500 पेक्षा जास्त स्टॉल्स, त्यातून हस्तकला वस्तू, वस्त्र उत्पादने आणि खाद्यपदार्थांची भव्य विक्री..
-
फक्त 13 दिवसात विक्रमी व्यवसाय; 27 कोटींहून अधिक रुपयांची उलाढाल..
-
मुंबईकर व महाराष्ट्रातून आलेल्या प्रेक्षकांकडून अभूतपूर्व प्रतिसाद; महिला उद्योजकांच्या उत्पादनांना मोठी प्रमाणात मागणी..
शुद्ध कापड आणि इको-फ्रेंडली उत्पादने तयार करणाऱ्या कंपन्यांना ग्राहकांचा प्रतिसाद मिळत आहे. हे उद्योग बारामतीच्या विकासासाठी एक महत्त्वपूर्ण अंग ठरले. याचे श्रेय उपमुख्यमंत्री यांच्या पत्नी सौ.सुनेत्रा अजित पवार यांना देण्यात यावे. तसेच मुसळे साहेब व बिपीन जगताप साहेब यांच्या प्रयत्नांमुळे प्रदर्शनात स्टॉल मिळवणे सोपे झाले. टेक्स्टाईल पार्क मधील सर्व व्यवस्थापकांचे सहकार्य मिळाले.
