सामाजिक तथा माहितीचा अधिकार कार्यकर्ते केदारनाथ सानप यांची जिल्हाधिकारी यांच्या कडे मागणी.
भुसावळ – शहरातील जामनेर रोडवर असलेल्या मधुर वाईन शॉप मध्ये काही महिन्यापासून एक अल्पवयीन मुलगा देशी विदेशी दारूची विक्री करण्याचे काम करीत असल्याचे दिसून येत आहे दारूच्या दुकानात अल्पवयीन मुलाला कामाला ठेवणे हा गुन्हा आहे. त्याकरिता सदरील दुकानाचा परवाना रद्द करण्यात यावा अशी मागणी सामाजिक तथा माहिती अधिकार कार्यकर्ते केदारनाथ वामन सानप यांनी जळगाव जिल्हाधिकारी यांच्याकडे लेखी अर्जाद्वारे केली आहे.
अल्पवयीन मुलांना कामावर ठेवून त्यांची पिळवणूक करणे हा गुन्हा असताना देखील भुसावळ शहरातील जामनेर रोडवर असलेल्या मधुर वाईन शॉप मध्ये एक अल्पवयीन मुलगा देशी विदेशी दारूची विक्री करीत असल्याचे निदर्शनास आले आहे. वाईन शॉप मध्ये अल्पवयीन मुलांना काम करण्यास कायद्याने मनाई आहे .तरी देखील मधुर वाइन शॉपचे मालक शासनाच्या नियमाचे उल्लंघन करून कमी पगारा अल्पवयीन मुला कडून देशी विदेशी दारू विक्री करण्याचे काम करून घेत आहे. हा कायदेशीर गुन्हा आहे .मधुर वाईन शॉपच्या मालकावर कायदेशीर कारवाई करण्यात यावी व त्यांच्या दुकानाचा परवाना रद्द करण्यात यावा अशी मागणी सामाजिक तथा माहितीचा अधिकार कार्यकर्ते केदारनाथ वामन सानप यांनी जळगावचे जिल्हाधिकारी आयुष प्रसाद यांच्याकडे लेखी अर्जाद्वारे केली आहे भुसावळ विभागीय निरीक्षक राज्य उत्पादन शुल्कच्या अधिकाऱ्यांना याबाबत माहिती नसावी का हा देखील प्रश्न या निमित्ताने उपस्थित होत आहे.
याबाबतची प्रत जळगाव जिल्हा राज्य उत्पादन शुल्क विभागाचे अधिकारी यांना देखील पाठवली असल्याचे केदारनाथ सानप यांनी सांगितले आहे. राज्य उत्पादन शुल्क विभागाचे अधिकारी मधुर वाईन शॉपच्या मालकावर कायदेशीर कारवाई करती काय याकडे भुसावळकरांचे लक्ष केंद्रित झाले आहे.
