नांदेडच्या धर्माबाद तालुक्यात बस उलटून झालेल्या अपघातात विद्यार्थी आणि प्रवासी जखमी, चालकाचे नियंत्रण सुटले!

कारला वाचवण्याच्या प्रयत्नात बसवरील नियंत्रण सुटल्याने अपघात झाला. बसमध्ये अनेक शाळकरी विद्यार्थी आणि जेष्ठ नागरिक प्रवास करीत होते..

पोलीस वार्ता, नांदेड : आज सोमवारी 14 जुलै रोजी सकाळी धर्माबाद तालुक्यातील चिकना फाटा येथे बिलोली आगाराची एसटी बस चालकाचे नियंत्रण सुटल्याने अपघात ग्रस्त झाली.

सविस्तर वृत्त असे की, बिलोली आगाराची बस क्र -एमएच 20 बीएल 0352 ही धर्माबादकडे जात असताना चिकना फाटा येथे येताच, एका कारला वाचवण्याच्या प्रयत्नात बसवरील नियंत्रण सुटल्याने अपघात झाला. बसमध्ये अनेक शाळकरी विद्यार्थी प्रवास करीत होते. तसेच जेष्ठ नागरिक देखील होते, या बस अपघातात प्रवासी जखमी झाले असून त्यांना धर्माबाद येथील शासकीय रुग्णालयात उपचारासाठी पोहचवण्यात आले आहे. वैद्यकीय अधिकाऱ्यांकडून जखमींची माहिती घेतली जात असून योग्य ते उपचार सुरू आहेत.

धर्माबाद पोलीस ठाण्याचे पोलीस निरीक्षक यांना घटनेची माहिती मिळताच त्यांनी तात्काळ अपघाताचा पंचनामा करण्याच्या सूचना दिल्या आहेत.

✍️पोलीस वार्ता संपादक: निलेश फिरके, भुसावळ, संपर्क: 09960333469