व्हिटॅमिन बी 12 ची कमतरता: व्हिटॅमिन बी 12 च्या कमतरतेवर मात करण्यासाठी अंडी, मांस किंवा तुमच्या आहारात शाकाहारी पदार्थांचा समावेश करू शकता..
1. बीटरूट
कंदमुळ असलेले बीटरूट हे फळ जरी दिसत असले तरी ही मुळ भाजी आहे. आरोग्यास खूप फायदेशीर अशी भाजी आहे. शरीरातील व्हिटॅमिन बी-12 ची कमतरता या भाजीच्या सेवनाने भरून काढता येते. कारण बीटरूटमध्ये व्हिटॅमिन बी-12 तसेच फायबर, आयर्न, पोटॅशियम, व्हिटॅमिन बी, व्हिटॅमिन सी, बीटा-कॅरोटीन, फॉलिक ॲसिड, मॅग्नेशियम आणि मँगनीज असे अनेक गुणधर्म असतात, हे शरीराची रोगप्रतिकारक शक्ती वाढवून शरीर निरोगी ठेवण्यास समृद्ध असतात.
2. मशरूम
व्हिटॅमिन बी-12 च्या कमतरतेने जर तुम्हाला कुठल्या त्रासाला सामोरे जावे लागत असेल तर तुम्ही आहारात मशरूमचे सेवन करून यावर मात करू शकता. मशरूम मध्ये प्रोटीन फायबर, झिंक, व्हिटॅमिन बी-12 हे सर्व असतात.
3. दही
व्हिटॅमिन बी 12 च्या कमतरतेवर मात करण्यासाठी दही हे देखील एक उत्तम पर्याय आहे. दह्याला पौष्टिकतेचा खजिना म्हटले जाते. तुम्ही रोज एक वाटी दही तुमच्या आहारात घेवू शकता. दह्यात फक्त व्हिटॅमिन बी-12 नाही तर सोबत प्रोटीन, कॅल्शियम, व्हिटॅमिन बी-6, रिबोफ्लेविन, लोह, मॅग्नेशियम, फॉस्फरस, पोटॅशियम, सोडियम, झिंक आणि कॉपर सारखे बरेच गुणधर्म असतात.
4. चीज
तुम्ही शाकाहारी आहार घेत असाल तर व्हिटॅमिन बी-12 च्या कमतरतेवर मात करण्यासाठी तुम्ही आहारात चीजचा समावेश करू शकता. कारण यामध्ये फक्त व्हिटॅमिन बी-12 नाही तर प्रथिने, कॅल्शियम, फॉस्फरस, पोटॅशियम, झिंक, मॅग्नेशियम आणि सेलेनियम सारखे इतर अनेक गुणधर्म आहेत, जे शरीर निरोगी ठेवण्यास मदत करतात.
