विशेष बाब म्हणजे जे विद्यार्थी पुस्तके दान करतील त्यांच्या हस्तेच गरजू विद्यार्थ्यांना पुस्तके मोफत वाटप करण्यात येईल..
पोलीस वार्ता, नाशिक : जीवन केशरी मराठी विद्यार्थी समूह, नाशिक यांच्या वतीने इयत्ता 9वी व 10वी च्या विद्यार्थ्यांसाठी मोफत पाठ्यपुस्तक उपक्रम राबविण्यात येत आहे.
या उपक्रमांतर्गत शिक्षण घेत असलेल्या होतकरू आर्थिकदृष्ट्या दुर्बल विद्यार्थ्यांना पाटबळ देण्याचा प्रयत्न आहे. याचा फायदा मिळण्यासाठी सर्व 9वी-10वी च्या गरजू विद्यार्थ्यांनी यात सहभागी व्हावे.
सध्या दहावीच्या परीक्षा सुरू असून 17 मार्च रोजी त्या संपणार आहेत. परीक्षेनंतर दहावीच्या विद्यार्थ्यांनी आपली पाठ्यपुस्तके विक्री न करता गरजू विद्यार्थ्यांना दान स्वरुपात द्यावीत. तसेच 9वी च्या विद्यार्थ्यांनीही आपल्या परीक्षा झाल्यानंतर पुस्तके दान करण्याचे आवाहन करण्यात आले आहे. सर्व दान पुस्तके संकलित करून गरजू विद्यार्थ्यांना मोफत वितरित केली जाणार आहेत. यात विशेष बाब म्हणजे जे विद्यार्थी पुस्तके दान करतील त्यांच्या हस्तेच गरजू विद्यार्थ्यांना पुस्तके मोफत वाटप करण्यात येईल.
हा आगळा वेगळा समाजातील बांधिलकी जपणारा उपक्रम जीवन केशरी मराठी विद्यार्थी समूह दर वर्षी राबवत असतात. समाजातील दाणी व्यक्ती, सामाजिक कार्यकर्ते, व्यापारी वर्ग, सामाजिक संस्था आणि नागरिकांनी यामध्ये सहभाग घेऊन ह्या समाज उपयोगी उपक्रमाला हातभार लावाला ही अपेक्षा आहे.
या उपक्रमाविषयी विद्यार्थ्यांनी अधिक माहितीसाठी तसेच दान स्वरुपात सहकार्य देऊ इच्छिणाऱ्यांनी दिलेल्या क्रमांकावर सायंकाळी 4 ते 8 वा. या वेळेत संपर्क करावा.
(कार्यक्रमाचे ठिकाण व तारीख नंतर कळविण्यात येईल)
-
संपर्क : 9529195688
-
ईमेल : jivankeshrimarathi@gmail.com
