सध्या राज्य सरकार सर्वच जिल्हा परिषदेंच्या मार्फत असलेल्या शाळांमध्ये ऍडव्हान्स शिक्षण पद्धती व चांगल्या सुविधा देण्याचा पूर्ण प्रयत्न करत आहे..
पोलीस वार्ता, यवतमाळ, झरी : जिल्ह्यातील झरी तालुक्यात बऱ्याच जिल्हा परिषदेच्या मराठी शाळा आजही कार्यरत आहेत. नुकतेच मे महिन्यात माध्यमिक शाळांचे 2024-2025 या शैक्षणिक वर्षाचे निकाल जाहीर झाले असून विद्यार्थ्यांमध्ये नवीन वर्गात प्रवेशाची लगबग चालू झाली आहे. सध्या जिल्हा परिषदेंच्या शाळातील विद्यार्थी संख्या बरी नसून पालक खाजगी शाळांकडे जास्त ओढले गेले आहे. खाजगी शाळांच्या मानाने जिल्हा परिषदेच्या शाळांमध्ये विद्यार्थ्यांसाठी सुख-सुविधा कमी असतात. तसेच शिक्षणाच्या पद्धतीत असलेले नवीन-जुने बदल हे याचे मुख्य कारण असू शकते. सध्या राज्य सरकार सर्वच जिल्हा परिषदेंच्या मार्फत असलेल्या शाळांमध्ये ऍडव्हान्स शिक्षण पद्धती व चांगल्या सुविधा देण्याचा पूर्ण प्रयत्न करत आहे.
तसेच जिल्हा परिषदांनी देखील लोकांमध्ये जिल्हा परिषदेच्या शाळांमध्ये विद्यार्थ्यांच्या प्रवेशा करता जनजागृती कार्यक्रम गाव व तालुका पातळीवर वेळोवेळी आयोजित केले पाहिजे. जेणे करून अशा शाळांमध्ये विद्यार्थी संख्या वाढण्यास आणि या शाळा चांगल्या प्रकारे चालू राहण्यास अडचणी येणार नाही.
सध्या झरी तालुक्यात असेच काहीसे चित्र पाहायला मिळत आहे, जिल्हा परिषद शाळांच्या शिक्षकांची भटकंती सुरू असल्याचे दिसून येत आहे. कारण म्हणजे जिल्हा परिषदेंच्या शाळांमध्ये जास्तीत जास्त विद्यार्थी प्रवेश घ्यावे. याच हेतूने जिल्हा परिषद शिक्षक तालुक्यातील गावोगावी जाऊन पालकांचे प्रबोधन करून नवीन विद्यार्थ्यांचा शोध घेत आहे.
