मीनाक्षी ताई पोळ । जिल्हा परिषद सातारा व पंचायत समिती कराड यांच्या संयुक्त विद्यमाने राबविण्यात येत असलेल्या ‘गुढीपाडवा पट वाढवा’ या उपक्रमांतर्गत आज उंब्रज येथील जिल्हा परिषद प्राथमिक केंद्रशाळा (मुले व मुली) येथे विविध मान्यवरांनी सदिच्छा भेट देत उपक्रमाची पाहणी केली. या प्रसंगी मुख्य कार्यकारी अधिकारी याशनी नागराजन, शिक्षणाधिकारी अनिस नायकवडी, गट शिक्षण अधिकारी बिपीन मोरे, शिक्षण विस्तार अधिकारी सन्मति देशमाने तसेच केंद्रप्रमुख सर्जेराव केंजळे उपस्थित होते. मान्यवरांच्या हस्ते शाळेतील विविध उपक्रमांची माहिती घेण्यात आली. यावेळी शाळेच्या वतीने पट नोंदणीसाठी गावामध्ये जनजागृती करणारे ध्वनीप्रक्षेपण वाहन, आधुनिक तंत्रज्ञानावर आधारित ‘शैक्षणिक गुढी’ तसेच नव्याने प्रवेश घेणाऱ्या विद्यार्थ्यांचे फेटे, गोड खाऊ, पाटी-पेन्सिल देऊन जल्लोषात स्वागत करण्यात आले. या उपक्रमाचे मान्यवरांनी विशेष कौतुक केले.
कार्यक्रमाला जिल्हा परिषद सदस्य रणजीत जाधव, पंचायत समिती सदस्या सांगिता चव्हाण, सरपंच योगराज जाधव, विनायक जाधव, शाळा व्यवस्थापन समितीचे अध्यक्ष डॉक्टर दिपक माने, उपाध्यक्ष विक्रमसिंह जाधव तसेच इतर सदस्य उपस्थित होते. उंब्रज मुली शाळेचे अध्यक्ष धीरज जाधव, उपाध्यक्ष कावेरी जाधव व सदस्यही यावेळी उपस्थित होते. यावेळी मुख्याध्यापिका माधुरी जाधव, तोडकर मॅडम, शिक्षकवृंद, पालक, ग्रामस्थ व शिक्षणप्रेमी मोठ्या संख्येने उपस्थित होते. मान्यवरांनी शाळेच्या गुणवत्तेबाबत व कामकाजाबाबत समाधान व्यक्त करत पुढील शैक्षणिक कार्यासाठी शुभेच्छा दिल्या.
गुढीपाडवा ‘पट वाढवा’ उपक्रमास उंब्रजमध्ये उत्स्फूर्त प्रतिसाद मिळाला. या कार्यक्रमात मान्यवर उपस्थित होते ,
