स्नेहप्रभा अरणकुल्ने ह्या विविध वस्त्रांची झबली, टोपडे, धुपटे असे कपडे शिवण काम करणे, आणि तयार केलेले वस्त्रे ते गरजू गोरगरिबांच्या बाळांसाठी देतात..
पोलीस वार्ता, बारामती : आज “आंतरराष्ट्रीय महिला दिन’ या दिनानिमित्त समाजातील ज्या महिला कुटुंबाची जबाबदारी सांभाळून समाजकार्ये करत असतात अश्या महिलांना 8 मार्च या महिला दिनी सन्मानीत केले जाते, पुरस्कार दिले जातात. कारण ह्या महिला इतर महिलांना एक आदर्श निर्माण करतात आणि त्यांना आयुष्यात पुढे जाण्याच्या संधी उपलब्ध करून देतात.
परंतु समाजात अश्या देखील समाजसेविका आहेत जे त्यांच्या वैयक्तिक अडीअडचणी आणि शरीराचे आजार ह्यांच्याशी संघर्ष करत आपली समाजसेवेची आवड जपत आहे. त्यांना यासाठी कुठल्याही सन्मानाची अथवा पारितोषिकाची गरज नाही.
श्रीमती स्नेहप्रभा अरणकुल्ने (अष्टपुत्रे) अश्याच एका प्रेरणादायक प्रवासाचे व्यक्तिमहत्व असलेल्या महिला आहेत, स्नेहप्रभा या 80 वर्षाच्या असून यांचे शिक्षण एम.ए, बी.एड झालेले आहे, त्या सध्या पिंपरी-चिंचवड येथील रहिवासी असून त्यांना ‘वाघेश्वर विद्याधाम’ शिरूर येथे आदर्श शिक्षिका म्हणून सेवाही केली आहे. त्यांच्या कार्यामुळे त्यांना ‘आदर्श शिक्षिके’चा पुरस्कार मिळालेला आहे. आज, त्या शरीराने अपंग असतानाही स्वतःला वाचनात मग्न ठेवतात, सामाजिक कार्यात सहभागी होतात, त्यांचा एक खास छंद; विविध वस्त्रांची झबली, टोपडे, धुपटे असे कपडे शिवण काम करणे, आणि तयार केलेले वस्त्रे ते गरजू गोरगरिबांच्या बाळांसाठी देऊ करतात. यात त्यांना आर्थिक मोबदल्याची अपेक्षा नसते. या कामातून ते त्यांची समाजसेवेची आवड आणि छंद जोपासतात.
