भुसावळ : तालुक्यातील औष्णिक विद्युत केंद्र, दिपनगर येथील महाजनको रुग्णालयात वैद्यकीय अधिकारी व रुग्णालय व्यवस्थापक गेल्या दहा वर्षांपासून कार्यरत असून त्यांच्या कार्यकाळात विविध वादग्रस्त प्रकरणे घडल्याची माहिती सूत्रांकडून मिळत आहे. रुग्णालयाच्या प्रशासनासंदर्भात अनेक तक्रारी व आरोप वेळोवेळी समोर आले असून त्यामुळे या संपूर्ण कालावधीतील कामकाजाची सखोल चौकशी करण्याची मागणी जोर धरत आहे.
दरम्यान, महाजनकोच्या मुख्य अभियंत्यांकडून या प्रकरणांची दखल घेऊन चौकशी केली जाणार का, याकडे कर्मचारी वर्गासह सर्वांचे लक्ष लागले आहे. संबंधित प्रकरणांबाबत सत्यस्थिती समोर आणण्यासाठी वरिष्ठ स्तरावरून चौकशी होणे आवश्यक असल्याचे मत व्यक्त होत आहे.
चौकशीनंतरच विविध आरोपांमागील वस्तुस्थिती स्पष्ट होणार असून प्रशासन कोणती भूमिका घेते, याबाबत उत्सुकता निर्माण झाली आहे.
