बुधवारी नेहमीप्रमाणे सूरज आपल्या शेतात गेला होता मात्र त्याने शेतातील एका झाडाला गळफास घेऊन आपली जीवनयात्रा संपवली..
पोलीस वार्ता, झरी : तालुक्यातील मुकुटबन पोलीस ठाणे हद्दीतील झमकोला येथील एका शेतकऱ्याने शेतात गळफास घेऊन आत्महत्या केल्याची घटना दि.21 मे, बुधवारी दुपारच्या सुमारास घडली आहे. गळफास घेतलेल्या तरुण शेतकऱ्याचे नाव सूरज मेश्राम असे असून अंदाजे वय-24 वर्ष आहे. सूरज हा अल्पभूधारक शेतकरी होता. तो शेती करून आपल्या कुटुंबाचा उदरनिर्वाह करीत होता, बुधवारी नेहमीप्रमाणे सूरज आपल्या शेतात गेला होता मात्र त्याने शेतातील एका झाडाला गळफास घेऊन आपली जीवनयात्रा संपवली. दरम्यान त्याने गळफास घेतल्याचे काही लोकांना कळले असता त्यांनी त्याच्या शेताकडे धाव घेतली, सुरजचा देह झाडाला लटकलेल्या अवस्थेत पाहून त्वरित घटनेची माहिती स्थानिक पोलिसांना देण्यात आली.
