आर. पी. एफ, जी. आर. पी. कर्मचाऱ्यांची संयुक्त कारवाई
भुसावळ पोलीस वार्ता :- (ऑलवीन स्वामी) रेल्वे स्थानका मधील दक्षिण बाजूस, मुसाफिर खाना जवळ लावलेले स्कॅनिंग मशीन मध्ये ड्युटीवर असलेले आर.पी. एफ विभागाचे कर्मचारी प्रवाशांच्या सामानांची तपासणी दरम्यान एका संशयित इसमाच्या बॅग मध्ये एक गावठी पिस्टल त्यात भरलेले सहा जिवंत काडतुस आर.पी.एफ व जी.आर.पी विभागाचे कर्मचाऱ्यांना मिळून आल्याची प्राथमिक माहिती सूत्रांकडून प्राप्त झाली आहे.
संशयित इसम हा बीड येथील असून त्यास जी.आर.पी. पोलिसांनी ताब्यात घेतले असून अधिकाऱ्यांकडून कसून चौकशी सुरू आहे. अद्यापावतो जी.आर.पी. पोलीस स्टेशनला गुन्हा दाखल करण्यात आलेला नसल्याची माहिती संबधीत अधिकाऱ्यांनी दिली.
