आदेशाचा भंग करणाऱ्या व्यक्तीवर भारतीय न्याय संहिता, 2023 चे कलम 223 अन्वये कारवाई केली जाईल. -जिल्हादंडाधिकारी जलद शर्मा
नाशिक | भारत निवडणूक आयोगाकडून महाराष्ट्र विधानसभा सार्वत्रिक निवडणूक 2024 चा कार्यक्रम 15 ऑक्टोबर 2024 रोजी घोषित करण्यास आला आहे. या तारखेपासून आदर्श आचार संहिता अंमलात आली आहे. जिल्ह्यातील विधानसभा निवडणुकीची संपूर्ण प्रक्रिया शांततेत, निर्भय व न्याय वातावरणात पार पाडण्याच्या दृष्टिकोनातून मुंबई पोलीस अधिनियम 1951 चे कलम 33(1) (डोबी) अन्वये प्रदान करण्यात आलेल्या शक्तीचा वापर करून निवडणुकीचे साहित्य कोणत्याही सार्वजनिक ठिकाणी, रस्त्यावर रहदारीस अडथळा होईल किंवा अपघात होईल अशा पद्धतीने लावल्यास निवडणूक प्रक्रिया 25 नोव्हेंबर 2024 पूर्ण होईपर्यंत जिल्हादंडाधिकारी जलज शर्मा यांनी निर्बध घालण्याचे आदेश दिले आहेत.
या आदेशान्वये राजकीय पक्षांनी, निवडणूक लढविणाऱ्या उमेदवार, त्यांचे प्रतिनिधी व हितचिंतकांनी सार्वजनिक इमारतीच्या ठिकाणी, सार्वजनिक रस्त्यावर, निवडणुकीसंबंधी पोस्टर्स, बॅनर्स, पॉम्प्लेट्स, कटआऊट, होर्डिंग्ज, कमाणी लावणे इत्यादी बाबींमुळे रहदारीस अडथळा निर्माण होवू शकेल किंवा अपघात होण्याची शक्यता असल्यामुळे यावर निर्बंध घालण्यात आले आहेत.
