भुसावळ : शहरातील जामनेर रोडवरील नाहाटा चौकातील ब्रिजखाली हद्दपार केलेला आरोपी पुन्हा आढळून आल्याने त्याच्याविरुद्ध गुन्हा दाखल करण्यात आला आहे.
संदीप बुधा खंडारे (वय २४, रा. इंदिरा नगर, जामनेर रोड, भुसावळ) असे संबंधित आरोपीचे नाव असून, उपविभागीय दंडाधिकारी, भुसावळ जितेंद्र पाटील
यांनी त्यास दि. ९ सप्टेंबर २०२५ रोजी एक वर्षासाठी भुसावळ शहरातून हद्दपार करण्याचे आदेश दिले होते.
मात्र, संबंधित आदेशाचे उल्लंघन करत आरोपी कोणतीही पूर्वपरवानगी न घेता पुन्हा शहरात आढळून आला. ही बाब समोर आल्यानंतर पोलिसांनी तत्काळ कारवाई करत त्याच्याविरुद्ध महाराष्ट्र पोलीस कायदा १९५१ च्या कलम १४२ अन्वये दि. २७ रोजी गुन्हा नोंदविला आहे.
या प्रकरणाचा पुढील तपास पोलीस करीत आहेत.
