साई श्रद्धा पालखीचे संस्थापक मा.श्री चंदूभाऊ साडे हे गेले 19 वर्ष या साई पालखीचे आयोजन करत आले आहे. दरवर्षी नवनवीन जिवंत देखावे, कलाकार, वादक पथक हे या पालखीचे वैशिष्ट्य असते.
पोलीस वार्ता, नाशिक : साई श्रद्धा पालखी फाउंडेशन शोभायात्रा सोहळा मंगळवारी, दि.7 जानेवारी 2025 नाशिकरोडमध्ये आनंद उत्साहात व भक्तिमय वातावरणात संपन्न झाला. या सोहळ्यात असंख्य साई भक्त नागरिक सहभागी झाले होते. या कार्यक्रमासाठी सटाणा येथील प्रसिद्ध देव मामलेदार ब्रास बँड पथक आणि उत्तर भारतातून आलेले देवी देवतांचे वेशभूषा केलेले कलाकार यांनी कार्यक्रमाची शोभा वाढवली. साई श्रद्धा पालखी शोभायात्रा देवळाली गाव येथून असंख्य पायी भक्तांसोबत सुरू होऊन वाजत गाजत श्रीक्षेत्र शिर्डीच्या दिशेला दुपारी 1 वाजता प्रस्थान झाली.
साई श्रद्धा पालखीचे संस्थापक मा.श्री चंदूभाऊ साडे हे गेले 19 वर्ष या साई पालखीचे आयोजन करत आले आहे. दरवर्षी नवनवीन जिवंत देखावे, कलाकार, वादक पथक हे या पालखीचे वैशिष्ट्य असून ही पालखी पाहण्यासाठी व यात सहभागी होण्यासाठी प्रचंड जनसमुदाय संपूर्ण नाशिक शहरातून गर्दी करतो. यावेळी पालखीचे अध्यक्ष प्रकाश साडे होते व पालखी नियोजनाचे काम कुणाल कोठावदे, राज निकाळे, आकाश महाजन, नंदू साडे, सुमित देसाई, अमोल पारख यांनी पाहीले.
कार्यक्रमात विविध क्षेत्रातील मान्यवरांनी व राजकारणी मंडळींनी हजेरी लावत साई पालखीचे दर्शन घेतले.यात काँग्रेस शहराध्यक्ष आकाशजी छाजेड, माजी महापौर अशोक मुर्तडक, भारत कोकाटे, माजी नगरसेवक योगेश शेवरे, पीआरपी नेते शशीभाई उन्हवणे, संतोष कांबळे, बाळाभाऊ पाठक, नगरसेवक संतोष आहीरे, चैतन बाबा गुजराती, सतनाम राजपूत, रीड बागलानी, योगेश गाडेकर, दिनेश निकाळे, भानुदास घुगे, अंकुश घुगे, शशीकांत थेटे, कृष्णा नागरे, मंगेश लांडगे, पंकज सोनवणे आदीनी उपस्थित राहून दर्शन घेतले.
