भुसावळ – शहरातील खडका रोड,रामदास वाडी भागात अज्ञात चोरट्यांने घराचे मागील खिडकीची आसारी वाकवून सामान,सोन्याचे दागिने तसेच रोकड लांबविल्याची घटना ता.४ ते ८ जून दरम्यान घडली.
शहरात गुन्हेगारांनी डोके वर काढले आहे.त्यात बाजारपेठ पोलीस स्टेशन हे हेव्ही पोलीस स्टेशन असून कर्मचारी संख्या अपुरी असल्याने दिवसेन – दिवस गुन्ह्यामध्ये वाढ होतांना दिसत आहे.याचाच फायदा घेत खडका रोड, रामदास वाडी भागात ता.४ रोजी सकाळी आठ ते ८ जून रोजी सायंकाळी सात वाजेचे दरम्यान अज्ञात चोरट्यांने घराचे मागील खिडकीची आसारी वाकवून घरात संमती वाचून प्रवेश करून घरातील ५८,५०० रुपये किंमतीचे सामान,सोन्याचे दागिने व रोख रुपये चोरून नेले म्हणून राजाराम बळीराम राणे यांनी दिलेल्या फिर्यादीवरून बाजारपेठ पोलीस स्टेशनला गुन्हा दाखल करण्यात आला आहे.
