सातारा (प्रतिनिधी – महेश गोंदकर)
मुंबई विमानतळावर उतरलेल्या एका तरुणाचा अद्याप ठावठिकाणा लागलेला नसून याप्रकरणी बेपत्ता तक्रार दाखल करण्यात आली आहे.
सहार पोलीस ठाणे हद्दीत AMR क्र. 24/2026 अन्वये सर्फराज वलीम अहमद (वय 30, रा. चंद्रशेखर आझाद नगर, ता. फुलपूर, जि. आझमगढ, उत्तर प्रदेश) हा तरुण 29 एप्रिल 2026 रोजी सौदी अरेबियाहून मुंबई येथे विमानाने आला होता. तो छत्रपती शिवाजी महाराज आंतरराष्ट्रीय विमानतळ (CSMIA) टर्मिनल-2 येथे उतरला.
विमानतळावर उतरल्यावर त्याने घरी फोन करून भिवंडी येथे मित्राला भेटून उत्तर प्रदेशला परत येणार असल्याची माहिती दिली होती. मात्र त्यानंतर तो घरी पोहोचलेला नसून त्याचा संपर्कही होत नसल्याने कुटुंबीयांनी बेपत्ता असल्याची तक्रार नोंदवली आहे.
वर्णन :
सदर इसमाचा रंग निमगोरा, केस काळे व कुरळे, उंची अंदाजे 5 फूट 3 इंच आहे. अंगावर निळ्या रंगाची जीन्स व गोल्डन ब्राऊन रंगाचा फुल शर्ट (पिवळ्या रंगाचे उभे पट्टे) असा पेहराव असून चेहऱ्यावर पुरळ असल्याचे सांगण्यात आले आहे.
या व्यक्तीबाबत कोणतीही माहिती मिळाल्यास सहार पोलीस ठाण्याशी संपर्क साधण्याचे आवाहन करण्यात आले आहे.
संपर्क :
PSI किशोर खरात – 7721016540
पो.ह. पोटकुले – 9870934397
(ही बातमी सार्वजनिक हितासाठी प्रसिद्ध करण्यात येत आहे.)
