भुसावळला गावठी पिस्टल सह एक जिवंत काडतुस जप्त !

भुसावळ – शहरातील खडका रोड,नई ईदगा जवळ संशयित आरोपी याकूब मोहम्मद खान (वय.२४) वर्ष हा गुन्हा करण्याच्या उद्देशाने सोबत गावठी पिस्टल बाळगून फिरत असल्याची गोपनीय माहिती पोलिस निरीक्षक राहुल वाघ यांना मिळताच त्यांनी तात्काळ गुन्हे शोध पथकातील कर्मचाऱ्यांना घटनास्थळी रवाना करून कारवाई करण्याचे आदेश दिले.
सदरील पथकाने सापळा रचून संशयित आरोपी याकूब मोहम्मद खान यास ताब्यात घेऊन त्यांची अंगझडती घेतली असता त्यांच्या जवळून एक गावठी पिस्टल सह एक जिवंत काडतुस ता.६ नोव्हेंबर रोजी सायंकाळी साडेसात वाजेच्या सुमारास मिळून आली. बाजारपेठ पोलीस स्टेशनचे गुन्हे शोध पथकातील कर्मचाऱ्यांनी सदरील संशयितास ताब्यात घेतले असून पोलीस कर्मचारी प्रशांत परदेशी यांनी दिलेल्या फिर्यादीवरून बाजारपेठ पोलीस स्टेशनला गुन्हा दाखल करण्यात आला आहे.सदरील गुन्ह्याचा तपास पोलीस हवालदार विजय नेरकर करीत आहे.