भुसावळ – शहरातील बाजारपेठ पोलीस ठाणे हद्दीतील मार्डन रोडवरील अमर स्टोअर्स जवळ तीन संशयित इसम पहाटे साडे तीन वाजेच्या सुमारास लोटगाडी वरून रेल्वेचे स्लिपर चोरून वाहतूक करीत होते.रात्री ची गस्त करणारे पोलीस कर्मचारी कांतीलाल केदारे व हर्षल महाजन यांनी वाहन थांबवून पाठलाग केला मात्र तिघही लोटगाडी सोडून जुने सेंट्रल रेल्वे मजदूर संघ कार्यालयाच्या दिशेने आधाऱ्यांचा फायदा घेत पसार झाले.पोलिसांनी पुढील कारवाई कामी लोटगाडी सह पाच रेल्वेचे स्लिपर (ता.२७ ) रोजी असे मुद्देमाल जप्त करून बाजारपेठ पोलीस स्टेशनला जमा केले.
या घटनेची माहिती रेल्वे सुरक्षा बल विभागाचे कर्मचाऱ्यांनी मिळताच त्यांनी दुपारी बारा वाजेचे सुमारास बाजारपेठ पोलीस स्टेशन गाठले व पुढील कारवाई कामी मुद्देमाल ताब्यात घेतला.
