भुसावळ : शहरातील जामनेर रोडवरील एम.ओ.एच.कॉलनी परिसरातील रहिवाशी इंदिरा सुधाकर कैकाळे व मिराबाई रामभाऊ पाटील यांच्या राहत्या घरांमध्ये अज्ञात चोरट्यांनी
एकाच रात्री घरफोड्या करून सोने – चांदीचे दागिने सह रोकड पंचावन्न हजार तिनशे रुपये किंमतीचे मुद्देमाल चोरून नेल्यांची घटना ता.२४ रोजी घडली.याबाबत पोलीस स्टेशनला गुन्हा दाखल करण्यात आला आहे.
माहिती अशी की,इंदिरा सुधाकर कैकाळे (वय ६२) त्यांचा मुलगा नितीन कैकाळे हा रात्री दोन वाजता नातेवाईकांसह खाटू श्याम दर्शनासाठी पुण्याहून रवाना झाला.त्यानंतर इंदिराबाई आणि त्यांचे पती घराचे दरवाजे बंद करून हॉलमध्ये झोपले होते.सकाळी किचन मध्ये गेले असता किचनचा दरवाजा उघडा दिसला व किचनची खिडकीचे गज तुटलेले व वाकलेले दिसले.तसेच बेडरूम मधील कपाट उघडे दिसले.कपाटातील सोने – चांदीचे दागिने व १५ हजार रुपये असा एकूण २८,००० रुपये किंमतीचा मुद्देमाल चोरून नेला.सदरील घटना ही ता.२४ रोजी रात्री दोन ते साडेपाच वाजेच्या सुमारास घडली.तर दुसरी घटना ही त्याच परिसरात काही अंतरावर मिराबाई रामभाऊ पाटील (वय.६६ ) राहणार कुबेरेश्वर महादेव मंदिर परिसर यांच्या राहत्या घरी घडली.या घटनेमध्ये सोने – चांदीचे दागिने सह रोख रक्कम असा एकूण २७,३०० रुपये किंमतीचा मुद्देमाल चोरून नेला म्हणून इंदिरा सुधाकर कैकाळे यांनी दिलेल्या फिर्यादीवरून बाजारपेठ पोलीस स्टेशनला गुन्हा दाखल करण्यात आला आहे.गुन्ह्याचा पुढील तपास पोलीस हवालदार विजय नेरकर करीत आहे.
