कंडारी गावातील महिलांचे सार्वजनिक बांधकाम उपविभाग कार्यालय येथे आमरण उपोषण सुरू

सार्वजनिक बांधकाम विभागाच्या इंजिनीयर हमास खान यांनी कुठलीही कायदेशीर परवानगी न घेता महिलांचे सार्वजनिक शौचालय जेसीबीने तोडले..

पोलीस वार्ता, भुसावळ : शहरातील तार ऑफिस रोडवरील सार्वजनिक बांधकाम अभियंता उपविभाग कार्यालयाच्या आवारात महिलांकडून आमरण उपोषण सुरू करण्यात आले आहे. त्याचे कारण म्हणजे कंडारी गावातील वार्ड क्रमांक-2 मधील महिलांचे असलेले सार्वजनिक शौचालय हे सार्वजनिक बांधकाम विभागाच्या इंजिनीयर हमास खान यांनी संबधित विभागाची कुठलीही कायदेशीर परवानगी न घेता स्वतःचा मनमानी कारभार करत जेसीबी लावून तोडले.

या घटनेची माहिती मिळताच स्थानिक ग्रामस्थांनी सार्वजनिक बांधकाम उपविभाग कार्यालयात वारंवार पत्रव्यवहार करून देखील बांधकाम विभागाच्या अधिकाऱ्यांनी कुठलीही दखल न घेतल्यामुळे शेवटी कंडारी गावातील वार्ड क्रमांक -2 मधील महिलांनी दि.26 जानेवारी 2026 रोजी सकाळी 7 वाजेपासून आमरण उपोषण सुरू केले आहे.

देशाला स्वातंत्र मिळून 78 वर्ष पूर्ण झाल्यानंतरही आज देखील नागरिकांना मूलभूत सुविधांसाठी उपोषणाचा मार्ग स्वीकारावा लागत आहे. जो पर्यंत कंडारी गावातील उपोषणकर्त्या महिलांची मागणी मंजूर होत नाही. तो पर्यंत उपोषण सुरू राहणार असल्याचे सांगण्यात आले आहे.