अग्निशमन दल व आपत्ती व्यवस्थापन कर्मचाऱ्यांकडून मांजात अडकलेल्या घारीची सुटका..

एका घारीच्या पंखात पतंगाचा मांजा अडकल्याचे निदर्शनास येताच जिल्हाधिकारींनी ही बाब अग्निशमन दल व आपत्ती व्यवस्थापन विभागाला कळविली..

पोलीस वार्ता, नाशिक : भारतीय प्रजासत्ताक दिनाच्या निमित्ताने जिल्हाधिकारी कार्यालयात आयोजित ध्वजारोहण कार्यक्रमासाठी जिल्हाधिकारी प्रसाद आज सकाळी 26 जानेवारी रोजी पोलीस कवायत मैदान येथे आले होते.

त्याचवेळेस आवारातील उंच झाडावरून पक्ष्याचा आवाज ऐकू आला. इतर वेळेपेक्षा हा आवाज वेगळा होता. त्यामुळे जिल्हाधिकारी प्रसाद यांच्या संवेदनशील मनाला हा आवाज वेगळा जाणवल्याने त्यांनी एवढ्या धावपळीत ही झाडाकडे बारकाईने पाहिले असता एका घारीच्या पंखात पतंगाचा मांजा अडकल्याचे निदर्शनास आले. जिल्हाधिकारींनी ही बाब अग्निशमन दलाचे मुख्य अधिकारी बैरागी व यांच्यासह आपत्ती व्यवस्थापन विभागाला कळविली. त्यानुसार अग्निशमन दल आणि आपत्ती व्यवस्थापन विभागाच्या पथकाने सदर ठिकाणी पोहचून या घारीची मांजातून सुटका करून तिला मुक्त केले आहे. या घटनेतून जिल्हाधिकारी आयुष प्रसाद यांच्यातील प्राणी प्रेमाची झलक पाहिला मिळाली.