आरोपींकडून पोलिसांनी 6 लॅपटॉप, 53 मोबाईल असा एकुण 35,10,100/- रुपये किंमतीचा मुद्देमाल जप्त केला आहे..
पोलीस वार्ता, नाशिक : शहरातील सातपूर हद्दीत असलेल्या अशोक नगर भागातील जाधव संकुल मधील सुयोग कलेक्शन या दुकानात दि. 26 सप्टेंबर 2025 रोजी, सुमारे 7:40 ते 9 वाजेच्या दरम्यान काही अज्ञात चोरांनी दरवाजातून आत प्रवेश करत एच.पी व डेल कंपनीचे प्रत्येकी एक असे दोन लॅपटॉप चोरून नेल्याची तक्रार सातपूर पोलीस ठाण्यात देण्यात आली होती. यावरून अज्ञात चोरांविरुध्द गुरनं- 300/2025 भा.न्या.संहिता कलम 305(अ), 331(3) प्रमाणे गुन्हा दाखल केला गेला होता.
या अज्ञात चोरांचा लवकरात लवकर शोध घेऊन कारवाई करण्याचे आदेश नाशिक शहर पोलीस आयुक्त मा.संदीप कर्णिक साहेब यांच्याकडून मिळताच, शहर गुन्हेशाखा युनिट-1 चे पोह. नाझीमखान पठाण, संदिप भांड, विशाल काठे, पोअं. अमोल कोष्टी यांचे पोलीस पथक घटनास्थळी पोहचले व गुन्ह्याची माहिती मिळवली. तपास करत असताना गुन्हेशाखेच्या पोह नाझीमखान पठाण व पोअं. अमोल कोष्टी यांना गुप्त माहिती मिळाली की, दोन संशयित चोरीचे लॅपटॉप घेवून रेल्वेने चितुर, आंध्रप्रदेश येथे पळून जाणार आहे. बातमीची खात्री करून सदर माहीती शहर गुन्हेशाखा युनिट-1 चे वपोनि. डॉ.अंचल मुदगल यांना देऊन त्यांच्या सूचनेने पोलीस पथकाने रेल्वेने पळून जाण्याच्या तयारीत असलेल्या दोन्ही संशयितांना सापळा लावून पकडले. त्याची विचारपूस केली असता त्यांनी नावे 1) रामु बालराज (वय-40), रा. बोडगुटपल्ली, कोटामंडल, नि.वित्तुर, आंध्रप्रदेश 2) सत्यवेल श्रीनिवासु, (वय-36), रा. बोडगुटपल्ली, कोटामंडल, जि.चित्तुर, आंध्रप्रदेश असे सांगितले. त्यांच्या जवळून सातपूर येथील सुयोग कलेक्शन मधील चोरीतील दोन लॅपटॉप मिळून आले.
आरोपींकडे चोरी संदर्भात अधिक विचारणा केली असता त्यांनी साथीदारांचे नाव आनंद नित्यानंद (वय-19) व एक विधीसंघर्षित बालक यांची माहिती दिली. तसेच त्यांनी मिळून शहरातील वेगवेगळ्या ठिकाणाहून लॅपटॉप आणि मोबाईल चोरी केल्याची कबुली दिली. आरोपींकडून पोलिसांनी 6 लॅपटॉप, 53 मोबाईल असा एकुण 35,10,100/- रुपये किंमतीचा मुद्देमाल जप्त केला आहे.
सदर आरोपी हे सराईत आहे. त्यांच्यावर शहरातील विविध पोलीस ठाण्यात गुन्हे दाखल असून ते उघडकीस आलेले आहे. पुढील प्रमाणे..
1) सातपुर पोलीस ठाणे, गुरनं- 300/2025, 303/2025,
2) सरकारवाडा पोलीस ठाणे, गुरनं- 262/2025, 263/2025,
3) पंचवटी पोलीस ठाणे, गुरनं- 445/2025, 454/2025,
सदरची कारवाई शहर पोलीस आयुक्त मा.संदिप कर्णिक साहेब, शहर पोलीस उप-आयुक्त(गुन्हे) मा.किरणकुमार चव्हाण, सहा.पोलीस आयुक्त(गुन्हे) मा.संदिप मिटके यांच्या मार्गदर्शनात नाशिक शहर गुन्हेशाखा युनिट-1 कडून करण्यात आली. पथकात पोउनि. चेतन श्रीवंत, पोउनि. सुदाम सांगळे, पोह. प्रविण वाघमारे, प्रदिप म्हसवे, विशाल देवरे, प्रशांत मरकड, मिलींदसिंग परदेशी, रोहिदास लिलके, महेश साळुंके, धनंजय शिंदे, उत्तम पवार, राजेश लोखंडे, मुक्तार शेख, जगेश्वर बोरसे, मपोअं. अनुजा येलवे, . समाधान पवार यांचा देखील समावेश होता.
