नगरपरिषद क्षेत्रात मतदान व निकाल सगळी प्रक्रिया व्यवस्थित, सुरळीतपणे होण्यासाठी आठवडे बाजार रद्द

मंगळवार 2 डिसेंबर रोजी आठवडे बाजार बंद ठेवण्याबाबतचे आदेश नाशिक अपर जिल्हादंडाधिकारी रोहितकुमार राजपूत यांनी दिले आहे..

पोलीस वार्ता, नाशिक : महाराष्ट्रात राज्य निवडणूक आयोगाकडून स्थानिक स्वराज्‍य संस्था, नगरपालिका व नगरपरिषद यांच्या सार्वत्रिक निवडणूका 2025 चा कार्यक्रम जाहीर झाला आहे. यानुसार प्रत्यक्ष मतदान 2 डिसेंबर 2025 रोजी होणार असून मतमोजणी आणि निकाल 3 डिसेंबर 2025 रोजी स्पष्ट होणार आहे.

यामुळे नगरपरिषद असलेल्या ओझर, भगूर व येवला याठिकाणी मतदानाच्या दिवशी आठवडे बाजार भरत असल्याने मतदारांना वेळेत मतदान करता यावे व मतदानाची सगळी प्रक्रिया व्यवस्थित, सुरळीतपणे पार पाडण्याच्या दृष्टीने व नाशिक जिल्ह्यातील कायदा व सुव्यवस्था अबाधित राखण्यासाठी मार्केट्स ॲण्‍ड फेअर ॲक्ट 1862 अन्वये प्राप्त अधिकारान्वये मतदानाच्या दिवशी म्हणजे मंगळवार 2 डिसेंबर 2025 रोजी आठवडे बाजार बंद ठेवण्याबाबतचे आदेश नाशिक अपर जिल्हादंडाधिकारी रोहितकुमार राजपूत यांनी दिले आहे.