पीयूसीसी घेण्यासाठी वाहन मालकांना आधार मोबाईल क्रमांक प्रमाणीकरण अनिवार्य!

आधार प्रमाणीकरण केलला मोबाईल क्रमांक वाहनधारकांनी उपलब्ध करून न दिल्यास त्यांना पीयूसीसी सेवा मिळणार नाही..

पोलीस वार्ता, नाशिक : पोलीस वार्ता, नाशिक : शहर उपप्रादेशिक परिवहन अधिकारी म्हणजेच आरटीओ अधिकारी नाशिक यांच्याकडून सर्व वाहनधारकांसाठी जाहीर करण्यात आले आहे की, पीयूसीसी सेवा देताना वाहन मालकाचा आधार प्रमाणीकरण असलेला मोबाईल क्रमांक हा शासनाने अनिवार्य केलेला आहे.

कारण वाहन मालकांचे अद्ययावत संपर्क क्रमांक तपशील हे वाहन प्रणालीत उपलब्ध नसल्यामुळे पीयूसीसी, विमा, कर व दंड इत्यादी सारख्या वाहनासंबंधीच्या महत्वाच्या सुविधा व सूचना वाहनधारकांपर्यंत पोहचविण्यास आरटीओ कार्यालयास अडचणी येतात. तसेच आधार प्रमाणीकरण केलला मोबाईल क्रमांक वाहनधारकांनी वेळेत उपलब्ध करून न दिल्यास त्यांना पीयूसीसी सेवा देण्यात येणार नाही, असे नाशिक उपप्रादेशिक परिवहन अधिकारी यांच्याकडून दि.9 फेब्रुवारी 2026 रोजी प्रसिद्धी पत्रकारद्वारे स्पष्ट करण्यात आले आहे.