एकूण 10 पेक्षा जास्त कंपन्या व त्यांचे प्रतिनिधी प्रत्यक्ष उपस्थित राहून मुलाखतीद्वारे रोजगाराच्या संधी उपलब्ध करुन देणार..
पोलीस वार्ता, नाशिक | जिल्हा कौशल्य विकास रोजगार व उद्योजकता मार्गदर्शन केंद्र, नाशिक यांच्यावतीने कर्मवीर रामरावजी आहेर आर्ट, सायन्स व कॉमर्स महाविद्यालय, सटाणारोड, ता.देवळा, जि.नाशिक या ठिकाणी बुधवार दि.8 जुलै 2026 रोजी सकाळी 10 वाजता ते दुपारी 3 वाजेपर्यंत या वेळेत पंडित दीनदयाळ उपाध्याय रोजगार मेळाव्याचे आयोजन करण्यात आले आहे. नोकरी इच्छुक उमेदवारांनी जास्तीत जास्त संखेने मेळाव्यात सहभागी होण्याचे आवाहन सहा.आयुक्त वि.रा.रिसे यांनी केले आहे.
आयोजित पंडित दीनदयाळ उपाध्याय रोजगार मेळावासाठी डब्लू.एन.एस. ग्लोबल सर्व्हिसेस रिक्त पदे-50, बॉश लिमिटेड, नाशिक रिक्त पदे-200, मोंक ऑटोमेशन प्रा.लि. अंबड रिक्त पदे-10, स्पार्क एच.आर. सोल्युशन, नाशिक रिक्त पदे-25, युवाशक्ती फाऊंडेशन, नाशिक रिक्त पदे -15, क्वीस कॉर्प लिमिटेड रिक्तपदे-40, डी सोर्स, नाशिक. रिक्त पदे-50, श्रीराम फायनान्स लि. नाशिक रिक्त पदे-10, लर्ननर प्रा. लि, नाशिक रिक्त पदे-100, इक्वीटास स्मॉल फायनान्स बँक रिक्त पदे-05 अशा एकूण 10 पेक्षा जास्त आस्थापना / कंपन्या व त्यांचे प्रतिनिधी प्रत्यक्ष उपस्थित राहून जिल्ह्यातील युवक / युवतींना मुलाखतीद्वारे विविध रोजगाराच्या संधी उपलब्ध करुन देणार आहेत.
