26 नोव्हेंबर ‘संविधान दिना’निमित्त रोजगार मेळावा आणि स्पर्धा परीक्षेच्या उमेदवारांसाठी विशेष मार्गदर्शन!

कार्यक्रम 26 नोव्हेंबर रोजी सकाळी 10 वाजता एम.जी.व्हि.एस पंचवटी कॉलेज ऑफ मॅनेजमेंट ॲण्ड कॉम्प्युटर सायन्स येथे होणार आहे..

पोलीस वार्ता, नाशिक : शहरात नाशिक जिल्हा कौशल्य विकास रोजगार व उद्योजकता मार्गदर्शन केंद्र यांच्या वतीने बुधवार 26 नोव्हेंबर 2025 रोजी ‘संविधान दिना’निमित्त पंडित दीनदयाळ उपाध्याय रोजगार मेळावा आणि स्पर्धा परीक्षेची तयारी करणाऱ्या उमेदवारांसाठी विशेष मार्गदर्शन सत्राचे आयोजन करण्यात आले आहे.

के.बी.एच. डेंटल कॉलेज व हॉस्पिटल आणि एम.जी.व्हि.एस पंचवटी कॉलेज ऑफ मॅनेजमेंट ॲण्ड कॉम्प्युटर सायन्स यांच्या संयुक्त विद्यमाने हा कार्यक्रम 26 नोव्हेंबर रोजी सकाळी 10 वाजता एम.जी.व्हि.एस पंचवटी कॉलेज ऑफ मॅनेजमेंट ॲण्ड कॉम्प्युटर सायन्स येथे होणार आहे. नोकरीसाठी इच्छुक उमेदवारांनी मेळाव्यात सहभागी होण्याचे आवाहन कौशल्य विकास, रोजगार व उद्योजकता नाशिक कार्यालयचे सहा. आयुक्त वि.रा.रिसे यांनी प्रसिद्धी पत्रकात केले आहे.

मेळाव्यात नामांकित कंपन्याचे अधिकारी प्रत्यक्ष उपस्थित राहून इच्छुक उमेदवारांच्या मुलाखती घेणार आहेत. नोकरी इच्छुकांनी अद्यापही सेवायोजन कार्यालयात नोंदणी केली नसल्यास त्यांनी 👉Employment या संकेस्थळावर नोंदणी करावी. तसेच लॉगइन करून शैक्षणिक पात्रतेनुसार उपलब्ध रिक्तपदांसाठी अप्लाय करावे.

भरती इच्छुक नियोक्ते यांनी जास्तीत जास्त रिक्त पदे 👉 Employment या संकेस्थळावर पंडित दीनदयाळ उपाध्याय जॉब फेअर ऑप्शनवर क्लिक करून रिक्तपदे अधिसूचित करावी. याबाबत काही अडचणी आल्यास सहाय्यासाठी अधिक माहितीसाठी 0253-2993321 कार्यालयाच्या दूरध्वनी क्रमांकावर कार्यालयीन वेळेत संपर्क साधावा, असे आवाहन सहा. आयुक्त रिसे यांनी केले आहे.